روايه حب مع الأيام رووعه وربي

[صدى الاحزان]

دأوا أحلام و حسن يطالعون بعضهم بجدية الى أن بدا حسن : هذي
سالفة طويلة ما راح نخبركم الا لما نجتمع وية العايلة كلها
بو يوسف : بس يوسف و نور مسافرين
أحلام : اي تعالوا نورووو و يوسفووووو تزوجوا وية بعض ؟
أم يوسف : من زمـــــــــــــــــان و مشاءالله عندهم عيال .. و تشوفون ها البيت هو بيت العايلة .. كلنا نعيش فيه الا نوف و زوجها و عيالهم يعيشون في بيت ثاني
حسن : و نوف تزوجت منو ؟
بو يوسف : أحمد رفيج يوسف ..
أحلام : الله يوفقهـــــــم .. بس ما قلتي لي يا أم نور متـــى بيردون يوسف و نور لان ما نقدر نقول لكم السالفة بدون وجودهـــم .. لان هذي آخر مرة بنفتح ها القصة لانها
مثل السم على قلوبنـــــــا ..
أم يوسف : على ما اضن بكرة ..
أم نور : اممممم تراني زعلانة من العيال ما سلموا علينا ..
عبدالله : اسف عمتي انا أسمي عبدالله .. و قام باس راسها و بعدين باس راس خالته و سلم على زوج خالتـــه ..
و اما عن أمل قامت بالمثل سوت .. سلمت على عمتها و خالتها ( أخت زوجــة أمها ) بس هي تعتبر أحلام أعز و أغلى من أمها اللي ما شافتها بحياتها ..
أم يوسف : و انتي يا أختي ما تعرفنا عليج ؟
رشا بهدوء : انا رشا
أم يوسف : تشرفنا ..
أحلام : رشا عندها قصة طويلة .. راح نخبركم عنها يوم نجتمــع كلنا .. من يديد تحت سقف واحد .. هي أكثر من أختي و صديقتي .. لها أفضال كثير بحياتنا ..
حسن : الصراحة أنا وايد تعبان .. و اذا ما عليكم كلافة يصير نبات عندكم الليلة و بكرة بندور لنا على بيت عشان نسكن فيه و نستقر بديرتنا ..
بو يوسف : أكيد البيت بيتـــك .. حياكم الله في أي وقت ..
حسن : الله يحييك .. وووووي نسيت .. انزل الشنط من التاكسي اكيد هو الحين واقف برع ينطر ..
عبدالله : ولة يهمك يبة انا بروح أنزل الشنـــــــط ..
و قاموا أم نور و أم يوسف .. دلوهم على الغرف الخاصة بالضيوف و الزايدة بالبيت كانوا ثلاث غرف 2 في الطابق السفلي و واحد في الطابق الثاني ..

الغرفة 1 في الطابق السفلي = أحلام + حسن
الغرفة 2 في الطابق السفلي = رشا + أمل
الغرفة 3 في الطابق الثاني = عبدالله ..

و الكل خمــــــــــــــد و هو مستانس .. لان أخيرا ألتقوا ببعض .. و طلع بأن حلم أم يوسف .. صار في الواقع $$
الجزء السادس و الثلاثون ::

و في الصباح :
وصل خبر رجــــوع حســـن و أحلام من الغربة الى مسامـــع نوف ..
نوف : اقول قلبي
أحمد : قولي يا بعد أهلي و طوايف أهلي
نوف و هي قاعدة تلعب بشعرها : أمي أتصلت فيني من قبل شوي و قالت بأن خالتي أحلام و زوجهـــا ردوا من غربتهم بعد أكثر من 20 سنــــــــة فراق للوطــن ..
أحمد فتح فمــه : صـــــج و الله .. ما اصدق حســـن رجـــع و أخيرا .. الف حمدلله .. زين ما دريتوا شنو سبب غربتهم عنا كل ها السنين ؟
أحلام : سألت أمي بس هي قالت بان خالتي و زوجها قالوا يوم نور و يوسف بيردون من السفر بيخبرون الكل .. لأنــــــــــــــه جرح قديم قاعدين يحاولون ينسونه و ما يبون يفتحون سالفته من يديد
أحمد : عجيبة ! زين أنتي ما تبين تروحين عندهم بالبيت .. ؟
أحلام : امبلة .. بروح
أحمد : زين مادام العيال بيروحون المدرسة انتي بدلي و روحي هناك
أحلام : أكيد الحين بروح أبدل حبيبي .. و انت وصل العيال المدرســة لان السايق مو موجود
أحمد : زين خلاص لا تحاتين
أحلام : اي و نسيت أقول بان أمي عازمتنا الظهر بيتهـــم على الغدى
أحمد : خلاص عيل باخذ العيال من المدرسة و بنيي هنـــاك ..
أحلام : اتفقنا ..

*****

في بيت العايلة :

عيــال يوسف راحوا المدرســة وية الدريول .. فما بقى في البيت الا الكبار ..
أم نور و أم يوسف و بو يوسف .. متعودين يقومون بدري و يكونون فرش من بعد صلاة الصبــح .. ينزلون كالعادة يتريقون بسرعـــة و بعدين يقعد بو يوسف يقرا الجريدة و الحريم يقعدون يطالعون التلفزيون .. و كالعادة اليوم سووا نفس الشىء .. لانه صار بالنسبة لهم روتين يومي ما يقدرون يتخلون عنـــه ..
و على الساعة ثمـــان الصبــح .. قام حســن من النــوم .. و بدل هدومــه و طلع للصالة ..
حسن بابتسامة خفيفة : صباح الخير
الكل : صباح النور
أم نور : بتنتظر الحريم و اليهال ليما يقومون .. ؟؟ او بتتريق بروحك لان أحنا تريقنــا من زمان ..
حسن : لا مشكورين مابي اتريق لان عندي شغل
أم نور : هو في ها الحزة ؟ توكم امس رادين من الغربة و احنا نبي نقعد نسولف وياكم
حسن : هههههه بيي اليوم اللي بتملون منا
أم نور : افا يا خوي لا تقول جذي .. احنا مستحيل نمل منكم
حسن : مشكورة و الله من طيب أصلج .. انا ابي اروح ادور بيت عشان أشتريه
أم يوسف : زين ليش ما تسكنون ويانا بالبيت ؟
حسن : لا وخيتي ما يصير لان البيت ما بيكفينا و العيال بيتزوجون و انا ابي عبدالله يعيش وياي هو وية زوجته و عياله انشاءالله في المستقبل ..
بو يوسف : تبي رايي
حسن : اكيد هات اللي عندك
بو يوسف : اذا انت مب راضي تعيش ويانا شرايك تدور لكم بيت جريب منا ؟
حسن و هو قاعد يفكر : اي انا بعد فكرت جذي
بو يوسف : زين انت شفت البيت اللي مقابلنا على اليمين لونــه اخضر
حسن : لا و الله ما لاحظته لاني امس كنت تعبان يوم وصلنا
بو يوسف : هاي البيت توهم بانيينه و الحين يبون يبيعونه .. يعني هو يديد
حسن : صج .. مدري عيل شرايك نروح نشوفــه و اذا عجبنــا نتوكل على الله و نشتريــه
بو يوسف : زين ما تبي تاخذ راي اهلــك ؟
حسن : أكيـــد
يدشون عبدالله و أحلام و أمل و رشا
أحلام : شنوو أكيد ؟
حسن : الناس يسلمون أول
أحلام : ههههه السلام عليكم .. شمسوين ؟
حسن : ماشي .. بو يوسف يقول بان البيت اللي قبالهم للبيع .. شرايكم نروح نشوفه و اذا عجبنا نشتريه ..
أحلام : عيل خلاص انا بروح ابدل و بيي و ياكم
أم نور : و الريوق ؟
أحلام : لا معلة حبيبتي بناكل لنا خفايف ..
عبدالله : زين انا بعد بيي وياكم .. عن اذنكم بروح ابدل ..
رشا : اما انا تعبانة ما ابي ايي
أمل : حتى انا تعبانة ما بيي ..
حسن : خلاص على راحتكــم .. و انت يا بو يوسف بتيي ويانا
بو يوسف : خلاص عيل بروح ابدل و ارجع لكم ..
حسن : اوك

راحوا بدلــوا و بعدين مشوا على اقدامهــم للبيت اللي يمهــم و قعدوا يشوفونــه
حسن : صج يخبــل
أحلام : اي حلووووووووو بس مب مثل مستوى بيتنا اللي في لبنان
بو يوسف : ليش عندكم بيت بلبنان ؟
عبدالله : او خالي ما عندنا بس بيت عندنا وايد أشيا .. شركات و عقارات و وايد
بو يوسف : اهااا
حسن : زين شرايكم نشتري البيت ؟
أحلام : ما دام مكانه جريب من بيت العايلة و لاصق فيه وايد زين ..
عبدالله : اي و بعد نقدر نهدم ها الجدار اللي يفصل بين البيتين .. عشان يحيطنا سور واحــد و تكون عندنا حديقة عودة
بو يوسف : ابو الافكار انت
عبدالله : ههههه اكيد آيم آ بزنس مــان
الكل ضحــك : هههههههه
شافوا واحد قاعد يجترب منهم
..... : شلون أخدمكم ؟
حسن : الصراحة اخوي عاجبنا ها البيت و ودنا نشتريه
..... : و انا صاحت ها البيت و مستعد ابيعه
حسن : بس بجم ؟
...... : المبلغ مب وايد بس 200000 دينار
حسن : زين خلني اتشاور وية العايلة و دقيقة و بجاوبكم
حسن : شرايكم ؟
أحلام : السعر مناسب و احنا الحمدلله عندنا وايد خيــر
حسن : يعني اوافق
أحلام : اي
و رد قال للريال : انا موافق متى بنوقع العقــد
....... : اذا تبي الحيــن اييب المحامي و المحاسب
حسن : خلاص عيل ..
و يوم يابوا المحامي و المحاسب حولوا البيت باسم حسن و حسن دفع شيك لصاحب البيت ..
حسن : و متى انشاءالله نقدر نستلم ها البيت ؟
..... و هو قاعد يعطيه مفاتيح البيت : من ها اللحظة
حسن : خلاص عيل مشكور
..... : العفـــو
أحلام : عيل نييب أغراضنــا
حسن : اي شوي شوي .. مشكور بو يوسف تعبناك
بو يوسف : افا يا البووووومــة تعبك راحة
حسن : محد غيرك بووووومة وية ها الويــه
بو يوسف : هههههههههههه رديت لطبعك القديم .. ههههههه المناجرة ..
حسن : ههههههه الله يغربل أبليك ..

اما في بيت العايلة نوف وصلت هناك ..
فشافت أمها و ام نور قاعدين يسولفون وية بنتين غريبتين
نوف : السلام عليكم
الكل : و عليكم السلام
نوف : يمة .. خالتي ام نور .. ما عرفتونا على ها الزوار ؟
أم يوسف : حبيبتي و هي قاعدة تاشر على أمل هذي بنت خالتــج أحلام .. اما الثانية هي رشا صديقة خالتج احلام
راحت نوف و سلمت عليهم .. : تشرفنا .. الا وينهم خالتي و زوج خالتي ؟
أم نور : راحوا يدورون لهم بيت .. الحين بيوصلون لانهم من زمان طلعوا
و في ها اللحظــة سمعوا صوت الباب يتبطل
أم نور : اكيد وصلوا .. قامــت نوف من مكانها .. فشافت خالتها أحلام .. فقامـــت و باستها و حضنتها : مشتاقة لج مووووووت خالتي .. فديتج و الله .. تراج وايد تغيرتي .. صرتي عيووووزة ههههههه
أحلام : مالت عليج يا الخايسة انا عيوزة .. آي حبيبتي شمسوية انا بعد مشتاقة لج موت مووووووووووووووووت
نوف : في ها الدنيا و مشاغلها .. و قعدت تغني و هي بحضن خالتها .. :

و الله و الله واحشني مــــوت
و الله و الله
أخاف بعدك أموت ..
قلبي لو من حديد
ذاب و أنت بعيد ..

أحلام : الله الله حبيبي .. آآآآآآآآآه نوفو .. تعالي نقعد .. و نسولف وياج
نوف : تفضلي خالتي ..

و قعدوا يسولفون و يتكلمون .. بس أحلام و حسن ما نطقوا بكلمة عن سبب غربتهم و كانوا يتجاهلون الأسئلة اللي كانت نغزتها ها الجواب ..

و على وقت الغدا وصلوا .. أحمد و عياله و عيال يوسف .. و قعدوا يتغدون ..
كان جوووو فيه العتاب .. و الضحــك و الصياح .. و الفرح و كل العوامل اللي يعيشونها
البشر في حياتهم جمعوها بيوم واحــــــــــــد ..

و على الساعة الخمس المغرب .. وصلوا شخصين للبيت .. تخيلوا من كانوا ؟؟

يوسف و نور وصلوا من سفرتهــــــــــــم .. أنصدمـــوا يوم دشوا و شافوا العايلة الكريمة متجمعــة و لا في أشخاص يدد وياهــم يا ترى من يكونون ؟

راحوا سلموا شخص شخص .. و يوم وصلت نور صوب أحلام شافت أمها جنها تسألها منو ذي ؟
أم نور : سلمي على مرت خالتج أحلام ..
نور : منوووووووو أحلام
ما درت شتسوي نطت على أحلام ههههههه و قعدت تبوسها .. و تسلم عليها .. و تعاتبها .. و بعدين سلمـــت على الباقي و في النهاية ردت لخالهــا من يديد ..
نور : خالي حســـــــــن
حسن : اي انا يا ام لسانين
نور بدمعة : حرام عليك خالتي ترى صرت ام و حرمـــة و اللسان انقص
حسن : ههههههه احسن تعالي حبيبتي و قعدي يمي مشتاق لج

نور و حسن كانوا مثل الاخوان لانهم كانوا يعيشون بنفس البيت ..
قامت نور و هي تحضن خالها و الكل قعــد يصيـــــــح و ياهم ..

حسن : احم احم الحين بعد ما اجتمعنا كلنا تحـــت سقف واحــد و أخيرا تلاقينا
و تشكلنا أسرة من يديد .. لازم تعرفون سبب غربنــتنا لازم ..
و قعد على الأرض و هي يجفف دموعه
حسن : احلام انا اقول القصة ولة أنتي ؟
احلام : انت قول ..

 

[صدى الاحزان]

سن و هو قاعد يتنفس و يطالع السقف : زين بس لا تقاطعوني ولة تسألون
الكل : انشاءالله
حسن : يوم سافرنــا لفرنسا .. انا للاسف في هذاك اليوم الأسود القيت بواحد من ربعي القدامــه .. فعزمني على العشــا .. و من هذاك اليوم تدمرت حياتي .. صرت مدمن مخدرات على ايده و بعدين صرت تاجر مخدرات مشهور .. و في ها الفترة نسيت كل وعودي لاحلام و طلقتها .. و هديتها بغربة بلا عائل و مال و لا بنون .. وفي ها الوقت نفســه احلام كانت خايفة من العار اللي بيلاحقها اذا رجعــت للبحرين .. الناس
شبيقولون مرة تزوجت عن حب و راحت شهر العسل و رجعت و هي مطلقة ..
فهي شافت الفلوس اللي بحسابها كان بيكفيها حق فترة .. فقالت بانها لازم تطلع من الفندق اللي كنا تسكنه لان ايجاره وايد غالي .. و في الطريج حست بآلام في بطنها فراحت المستشفى فتلقت الصدمــة الثانية بعد طلاقها .. انهـــا حامل !!
حسن بلع ريجه بعدين كمل : و مع الأيام انا و اللي دمرني خالد كنا طالعين من احدى السهرات لاحقونا شباب الله يجزيهم الف خير و هدونا لطريق الصواب و دخلونا مستشفى العلاج من المخدرات و هناك خالد مات اما انا تشافت .. و في ها الفترة أحلام ولدت .. يابت عبدالله .. لولا مساعدة ها الغالية رشا جان هي ضاعــت .. هي و رشا صاروا اكثر من خوات و صديقات و كل شىء الروح بالروح .. و بما أن في فرنسا عندهم عادي الحرمة تولد بدون وجود ريلها .. فبهذا عبدالله ولد بدون ما انا ادري .. اما عن أحلام و رشا ربوا عبدالله طول ها السنين .. اما عني كنت احاول ادور احلام من يديد بس للاسف ما لقيتها .. فخفت ارجع البحرين لاني كنت ضان انها موجودة هني فخفت اسوي مشاكل و اكيد هي كارهتني من بعد تصرفاتي الغبية .. الطبيب النفساني اللي كنت اتعالج عنده .. قال لي بان جزء من شفائك هو بان تتزوج .. رفضت بشدة بس في النهاية قدر يقنعني فتزوجــت أم أمل .. و لما ولدت أمل توفت .. فحلفت بان ما اتزوج من يديد غير أحلام .. حبي القديم .. فقعدت اربي بنتي .. و الى ان كبرت .. و اما عن أحلام و رشا و عبدالله .. رشا وصلها خبر وفاة زوجها اللبناني اللي ترك لها املاك .. فسافروا كلهم لبنان و هناك عبدالله كبر و قعد يدرس ادارة الاعمال .. و انا سافرت بعدين وية أمل الى لبنان .. لان بنتي حصلت على بعثة من الحكومة الفرنسية عشان دراسة المحاماة .. و هناك
في يوم بنتي قالت لي في واحد يبي لي يخطبني و انا قلت حياه الله في اليوم اللي ياه .. طلع بان الخاطب هو ولدي اللي ما عرفتـــه طول ها السنين .. و بجذي شوي شوي حلت المشاكل الى انا انا و ام عبدالله رجعنا لبعض و تعهدنا بان نربي عيالنا وية بعض و نعوضهم عن الحرمان اللي حسوا فيه ..

يوم كمل حسن كلامـه شاف الشفقة و الدموع في عيون اللي حولــه و خصوصا الصدمــة اللي كانت ماليتهم ..
و قامت أحلام و وقفت ورى الكرسي و رفعــت يدها للأعلى و قالت :
رجعنــــــــا لبعض .. و و اخيرا بعد اكثر من 20 سنـــة قعدنا في غرفة وحدة و أجتمعنا من يديد مع بعـــــــــــض .. أحبـــكم كلكم .. لانكم في دمي و لحمــي ..
انا ما رضيت ارجـــع لحسن من يديد مع ان الجروح كانت موجودة فيني الا لسببين .. الاول باسم الحب اللي جمعنـــــــــــــــا من صغرنــــــــا و الوعود اللي صفيناها بحياتنا .. و الثاني بان نربي عيالنا وية بعض عبدالله و أمل .. صحيح أمل ما طلعت من بطني بس هي موجودة بقلبي و هي بنتي حشاشة جوفي .. احنا ما رجعنا الا عشان نجتمــــع نحن العايلة من يديد عشان يسود بين قلوبنا المحبة من يديد .. و عشان و عشان الكثير .. و لان لازم عيالي ياخذون الجواز البحريني لان هويتهم ضايعــة الكل عبالهم انهم فرنسيين .. أحنا كلنا عانينا و كلنا عرفنــــــــا معنى التضحية و الحب .. كلنا حياتنا تجتمـــــع مع مفهوم حب مع الايام .. صحيح .. بس الى متـــى ها الحب راح يكون مختفي الى متــــــى ؟؟ الحب هو الحيــــــــــــاة بعيون العشـــــــــــاق .. علموني حبنا كلنا شعلمنـــــــــا خير دروس بتقوينا في الحياة .. علمنا الشاعة و الجرأة .. علمنـــــا اللين و الرضا .. علمنــــــــا اهم شىء التضحيـــــــة .. و انا مستعدة أضحي عشان حبي .. لا تضنوني استخفيت صحيح كبرت بالسن بس ما للحب لا سن محدد ولة مكان.. و راح اموت و انا احب يا بشـــــــــر .. و انا أحـــــــــــب .. خلونا نجتمــــــع من يديد عايلة وحدة .. متحاببة .. نكون بيد وحدة .. تجاربنا بالحياة كانت صعبة بس في النهاية وصلنا للغرض اللي تمنيناه من صغرنــــــــــــــــــا و هو الحب .. الدفأ .. الحنان ..

و ما ان التفتت للكل شافت دمــــــــــوع السعادة بعيـــــــــــــــونهـــــــــــم .. و نظرات الحب بينهـــــــم ..

و قامـــــــت نور من مكانـــها : اي يا مرت خالتي .. كل حب في ها الزمان ما ينولد بيوم و ليلة .. لان الحب اللي نسمــيه بنظرة ما هو حب .. لان الحب محتـــــــــــــاج له أيام لينولد مثل الجنين اللي ببطـــــــــن أمــــــــه محتاج له ايام و شهور عشان يولد .. الحب ما ينولد الا مع الايام .. و حبنا كلنا هو حب مع الأيام .. صار و أستـــــــــــوى .. عانى من ها الدنيا الى أن أنتصــــــــــــــــــــــــــــــــــــر ..

&& حب مع الأيــــــــــــــــــــــــــــــــــــــــــام &&

هكذا أستمرت الأيـــــــــــــام .. و الحب يستمــــــــر بقلوبهــــــــــــــــم .. فقد قاموا بهدم الجدار المشترك بين البيتين .. و طبعــــــا تعرفون الحريم .. أم يوسف و أم نور سووا حفلـــــــــة عودة عزمـــــوا الكل فيها بسبب رجـــوع أحلام و حســـن من الغربة ..

*****
يــــــــــــــوسف و هو واقف عنــــــــد الشاطىء .. رمـــــــــى حصــى عودة في البحر .. فشكلت ثلاث دوائر ..
1= صغير
2= متوسط
3= كبير
فثبت بعقلـــــه مفهـــــــــــــــــــوم حبنــــــــــــــــــا مع الأيام .. و قعــــــــد يغني و هو في عالم ثاني .. عالم الخيال و الأحلام .. عالم المحبــــــــــــــة ..

أجمـــل أحساس في الكون أنك تعشق بجنون يا حبيبي أنا ..
خليتني أعيش أيام مليانة بشوق و غرام يا حبيبي أنا ..

أجمـــل أحساس في الكون أنك تعشق بجنون يا حبيبي أنا ..
خليتني أعيش أيام مليانة بشوق و غرام يا حبيبي أنا ..

أجمل أحساس روحي أنا قلبي المشتاق يا ألبي أنا
خليتني أعيش أحلى سنا يا روحي أنا يا ألبي أنــــــــــا ..

أجمل أحساس روحي أنا قلبي المشتاق يا ألبي أنا
خليتني أعيش أحلى سنا يا روحي أنا يا ألبي أنــــــــــا ..

******

حب مع الأيــــــام ( أحلام و حســن ) .. ::

أستقروا بديرتهـــم .. و بدأ حسن ينقل الشركات اللي عندهم من لبنان الى البحرين اما العقارات قاموا ببيعها و اشتروا لهم عقارات غير بالبحريــــــــــن .. و بدأ حســـن يدير الحلال بمســـــــــاعدة ولده يوسف .. و أحلام حياتها وايد تطورت مـــــــــع حســـن .. جنهـــــــــم مراهقيـــــــن .. هههههههههاي ..اي و نسيت اقول بان سعوا وايد الى أن طلعوا لأمل و عبدالله جواز بحريني الحمدلله

حب مع الأيام ( رشــــــــــا ) .. ::

رشـــــــــــــــا صارت قريبة وايد من العايلة .. و الكل كان يعتبرها أخت لــــــــه ..
و مشاءالله عليها اجتماعية .. فكونت وايد صداقات في البحرين .. و أستقرت .. و هي الحيـــن في نهاية الخمسين .. و ياو لها وايد معاريس عجايز .. أكيد طامعين بفلوسها بس رفضت و قعدت تربي أحفادها .. اللي هم عيال أمل و عيال عبدالله


حب مع الايام ( عبدالله ) .. ::

تزوج مـــــــــــــــــــن وحدة تصير لأمـــــــــه من بعيـــــــــــد .. و حياتـــــــــــــــه حلوة .. صحيح تزوج بدون حب بس الحين قاعد يعش مرحلـــــــــــــة حب رائعـــــــة .. و عرف بان زوجتـــــــــــه هي فتاة أحلامه اللي تمناها من صغره ..

حب مع الأيام ( أمــــل ) .. ::

سافرت للبنان و كملت دراستها .. و صارت محاميـــة معروفة و ناجحـــة .. و الكل كان يشير لها بالبنان ..تزوجت واحــــــــــــد كان بحريني و يدرس وياها في الجامعـــــــــــــــــــة .. و كان معجب فيهـــــــــــا ..

حب مع الأيام ( نور و يوسف ) .. ::

شاقول لكم ؟ حياتهــــــــــــــم حلم الكل يحلم فيــــــــه .. الحب و العشق و الجنـــــــــــون .. و الكثيــــــــــر .. و قعدوا يربون عيالهم بالفضيلة و التربية الحسنــــــة و من صغرهم يقولون لهـــم فائدة الحب في الحيــــــــــاة ..

حب مع ألأايام ( نوف و أحمد ) .. ::

نوف قعدت تقنع أحمد بان يكتب أشعاره في الجراييد و المجلات و مع الوقت صار مشهور .. و الكل يلحقــه عشان ياخذ توقيعـــــــــه .. و حياتهم كانت رائعــــــة بكل المعاني .. و طبعا أشعاره كلها كانت موجهة لحبيبته و نور حياته نوف ..

حب مع الأيام ( أم نور ) .. ::

كبرت بالسن و شاخـــــت .. و هي الحين تنتظر ملك الموت ياخذ روحها .. و ما تتمنى الا الخير لعيالها و بان الله يوفقهم دنيا و آخرة ..

حب مع الأيام ( أم يوسف و بو يوسف ) .. ::

هم بعد كبروا بالسن .. و بو يوسف .. صار همــــــه الوحيد الصلاة و الدعاء .. و الروحـــــــة للمسجــــــــــــد .. و أم يوسف بعـــــــــــــــد نفس الشىء .. و هم قاعدين يعيشون على الهامش في الحيـــــــــــــــاة ..

و نسيت أخبركـــــــــــــم عن فارس ؟؟

فارس ::

خلف أولاد و بنــــــــــــــات و كان سعيد بحياته وية زوجتـــــــــــــــــــه .. و كان يتررد من الوقت للثاني على يوسف .. بعد ما تصالحوا و ردوا ربع من يديد .. اما مرتـــــــــــــه فصارت تزور نور و أحلام و رشا .. و تعرفت عليهــــــــــــــــم ..

هكذا كان مشوووووار حيــــــــاة أبطال قصتنــــــــــا .. و حبهــــــــــــــم لحد اليوم موجود و مستحيل يذبل .. لانها مثل الوردة اللي تحتاج للماي عشان تعيش و الماي موجود وياهم .. و بكرة و اللي عقبــــــــــــه راح يكـــــــــــون و يظل مستمــــــــر ها الحب .. لان الحب الأصيل دايما يكون .. حب مع الأيام ..

و أخيــــــــــرا أنتهــــــــت القصـــــــــة ..
مشكورين على حســــــــــــــــــــــــــــــــن متابعتكـــــــم و قرائتكم للقصة ..
اللي كنـــــــــت ابي اوصله لكــــــم بأن الحب بحر كبيـــــــــــــــــر ما له اي نهاية .. و مستحيـــــــــــــل يكبر بقلب أنسان بيوم واحد فقط بل محتاج أيام طويلة عشـــــــــان يتكون و يشكل حب حقيقي و طبعا راح يكون حب مع الأيام ..


.. النهـــــــــــــــــــاية ..

 

[elghazli]

السلام عليكم ورحمة الله وبركاته

والله رواية رائعة بالتالي موضوع أروع

كنت أبحث في محرك البحث (جوجل) عن رواية أؤنس بها نفسي وصراحة كنت يائسا في أن أجد رواية ترضيني وتناسب ما أطمح اليه ... ولكن بعد ما قرأت السطور الأولى

لموضوعك أيقنك أني وجدت ضالّتي ولم أدري إلاّ وبضع ساعات من الوقت مضت وقد أتيت على القصة من أوّلها إلى آخرها .... فشكراااااااااااااااا كثيرا أخي على العمل الرائع ...

وبصراحة أنا ما سجلت في المنتدى إلا لأني رأيت أن من واجبي أن أشكرك ... وأحمد الله أن كان لي شرف الرّد أوّلاً كما أني أرجو منك أن تتكرم عليًّ باسم الرّوائي أو الكاتب

ودمت في رعاية الله والسّلام

 

[صدى الاحزان]

اشكرك اختي الكريمة

لمرورك الرائع

وثناءئك علينا

وبكل صراحة سعيد بتواجدك بيننا

شاكر لك

 

[اميرة الكون]

يسلموو على الروايه تقبل مروري وارجوة التكمله تحياتي اميرة الكون