روايه حب مع الأيام رووعه وربي

[صدى الاحزان]

الجزء الثالث و العشرون ::

في النهايــــــــة تزوج حسن من خلود بدون قصة حب أو حفلـــــــة .. ملجوا في المستشفى ..

خلود : حسن انا أعرف ضروفك . و أدري بعد انك كنت تحب زوجتك الأولية وايد .. بس اتمنى بان تحاول تنساها لان الحين انا زوجتك
حسن ببرود : بحاول ..
الطبيب النفساني : ما قلت لك حسن .. انا وايد حاولت وية المستشفى الى
ان سمحوا لك بالخروج من المستشفى للأبد .. و حاسب لا ترد الى الخرابيط و انشاءالله مدام خلود راح تساعدك .. و بالمقابل حجزنا لكم شقة .. و ايجارها ها الشهر راح تدفعه المستشفى كهدية لكم .. و بعد انا خذيت شهادتك اللي عطيتني و دورت لك شغل في مكتب محترم عند شقتكم و بمعاش وايد زين
حسن : مدري شلون اشكرك يا الطبيب ..
الطبيب : سويت اللي في وسعي .. يالله جهز أغراضك و راح تطلع ..
حسن : عندي سؤال
الطبيب : تفضل
حسن : آدم و محمد و عيسى ما سألوا عني
الطبيب : امبلة وايد يسألون عنك و قالوا خلاص هم سووا اللي عليهم تجاهك و الحين راح ينسحبون من حياتك
حسن : خسارة
الطبيب : عن أذنكم ..

و و دوهم الى شقتهم الخاصــــــــة .. و كان حسن وايد بارد
وية خلود .. و في اليوم الثاني الصبح الطبيب يا الى حسن و وداه شغله .. عشان يتعرف على مديره و مكتبه ..

****************************************

بعد شهرين ::

يوسف رد على طبيعته مثل أول .. و كملوا السنة الأولى من الدراسة في الجامعــــــة و العطلة الصيفية بدت .. و حبه لنور زاد
و فارس لحد الحين يلاحق نور .. و محد درة عن سالفة التبرع بالكلية .. و أحمد بين الفترة و الثانية يرسل قصايد حب لنوف ..

و اليوم مرت سنة على عقد بو فارس و بو نور
في مكتب بو نور :
بو نور : و الله بو فارس ها السنة شركاتنا حققوا وايد ربع .. انت شرايك ؟
بو فارس : اي صدقت .. انا اقول ليش ما نجمع شركاتنا مع بعض الى الأبد
بو نور : انا بعد أقول جذي ..

و راحوا وقعوا على عقد بان يكونون شركاء الى الأبد ..

***************************************

اليوم أحلام و رشا .. مستانسين وايد لان عبدالله بيطلع من المستشفـــى ..
هناك في المستشفى :
أحلام : يمة حبيبي أخيرا بتعيش وياي و وية خالتك رشا تحت نفس السقف
رشا : مبروووووووك حبيبتي ..
أحلام : الله يبارك فيج رشا ..

و خذوا عبدالله و راحوا شقتهم ..
هناك :
رشا : وااااااي توها ما تنورت الشقة
أحلام : صدقتي حبيبتي
رشا : ...
أحلام : رشا
رشا : هلا
أحلام : صار لنا شهرين نسكن وية بعض و صرنا أكثر من خوات و صديقات .. انتي تشتغلين الصبح و أنا عندي شوية بيزة عشان مستقبلنا احنا الثلاثة .. و احنا خططنا لكل شىء .. حق مستقبل عبدالله .. يا بخته ولدي عنده ماما أحلام و ماما رشا ..
بس لحد الحين ما عرفنا قصص بعض .. و مآسينا
رشا : هاتي أحلام البيبي برقده في سريره و بنقعد نقول لبعض قصصنا ..
أحلام : تفضلي
رشا ودت البيبي و ردت قعدت يم أحلام : أنا ابدا ولة أنتي ؟
أحلام : خليني انا ببدا .. تزوجت حسن عن علاقة حب عميقـــــة .. كنت اموت فيه و هو بعد .. و بعد زواجنا يينا فرنسا كشهر عسل .. مرت الاسابيع الأولى شزينها .. الى أن تعرف على واحد الله لا يوفقه دمر حياتي أسمه خالد .. و علمه المخدرات و ها الاشيا .. و قال له لازم يطلقني .. فرسل لي ورقة طلاقي بكل بساطة كأنه نسى الحب اللي يجمعنا و الوعود اللي وعدني اياها في ليلة الزواج .. كل شىء راح بكل سهولة .. و قعدت أحلام تجفف دموعها .. بعدين خفت خفت وايد من أن أهلي يعرفون بطلاقي .. شردت و ييت اسكن في ها العمـــــارة .. و كنت توي مكتشفة اني حامل .. يعني حسن ما يعرف بان عنده ولد .. الله يسامحه .. بعدين .. تعرفت عليج انتي كنتي كحبل النجاة في حياتي حبيتج كأختي العودة و كصديقتي .. و بسرعة حضنت رشا ..
رشا : اما عن قصتي امي و أبوي تطلقوا يوم كنت ياهل .. و أمي نستني و تزوجت و ابوي هم بعد تزوج من وحدة شريرة قاسية عاملتني
معاملة الخدم .. و بالغصب كانت ترضى أروح أتعلم و أدرس .. يوم كملت الثانوية .. ياني ابوي .. و يقول لي واحد غني يا و خطبج و بكرة زواجكم .. تخيلي زوجني بدون رضاي من واحد في عمره على خط المــــوت .. كان يعذبني و يطقني و يهينني .. كان عقيم ما ينجب عيال و ما كان متزوج يعني انا زوجته الأولى و الوحيدة .. كان يطلع حرة حرمانه من العيال فيني .. الا أن هربت و ييت فرنسا من حوالي 4 سنين .. و كملت دراستي و الحين اشتغل .. كنت وحيدة أحس بالخوف طول عمري الى أن عرفتج و عرفت معاج معنى الأخوة و الصداقة اللي أنحرمت منها .. و حبيت ولدج عبدالله كأنه ولدي ..
خلود و هي لحد الحين حاضنة رشا : يعلنا ما ننحرم من بعض أختي
رشا : آميــــــــــــــن .. و نربي عبودي أحسن تربية ..

**************************************

حسن توفق وايد
في شغله .. و كان هامل خلود و مسكينة هي قاعدة تتحمل ..
و في يوم رد من الشغل تعبان ..
خلود و هي مستانسة : مبروووووووك
حسن : ليش ؟
خلود : انا حامل
حسن هني أستانس كان يبي ولد يحمل اسمه : صج
خلود : اي
حسن : اذا طلع ولد بسميه يوسف و اذا بنت بسميها أحلام شرايج خلود ؟
خلود زعلت يوم سمعت أسم احلام بس هزت راسها : ...

*************************************
في البحرين :

دش بو نور البيت و هو مستحمق : نووووووووورو يا مسودة الويه تعالي
نور و هي تركش على الدري : نعم يبة
بو نور و هي ميود شعرها : يبين دلالي و دلال أمج خربج .. ما تستحين على ويهج تتبرين بكليتج ليووووووسفو و بدون علمنا
نور و هي خايفة : ها السالفة قديمة من قال لك يبة ؟
بو نور : مب قديمة .. و انا دريت مالج خص ..
أم نور : هدها يا بو نور حرام عليك
بو نور : اي بعد دافعي عنها .. حربتيها بدلالج .. انا بوريج شبسوي فيج ..
و سحبها من شهرها و وداها غرفتها .. و بعد ما خذ منها مبايلها قفل باب غرفتها وية المفتاح ..
عشان تعرفين ماكو طلعات و لا اتصالات و الجامعة السنة الياية ما بتروحين ..
نور و هي تصيح : حرام عليك يبة .. و الله ما بكررها
بو نور : اتخسين تكررينها .. ما بطلعج خيسي داخل جم يوم ..

و رجاءات أم نور ما نفعت .. بو نور بصوت عالي يزلزل الكيان : أم نور تودين لها أكلها في الغرفة .. و يا ويلج اذا ساعدتيها تشرد

و طلع من البيت معصب


الجزء الرابع و العشرون ::

ضحكة فـــــــــــــــــــــــــــارس تملأ كل مكان .. يضحك بهسترية .. أخيرا نور بتصير ملكه هو و بس .. الطبيب اللي سوى عملية نقل الكلية من فاعلة الخير الى يوسف هو رفيج أبوه .. فقدر يعرف منه أن نور هي فاعلة الخيـــــــر .. و راح قال لابوه و أبوه وصل الخبر الى بو نور .. و هو مستحمق .. يعني أكيد ما بيوافق نور تتزوج من يوسف .. هههههههههههههههههههههههههههههههاي نور لي و بــــــــــــــــــــــــــــس ..

**************************

في اليوم الثاني بو نور كان مهدي شوي .. و قعد يفكر باللي سواه أمس في بنته و حبيبته نور اللي الله ما عطاه غيرها ..
أم نور : هد بالك يا بو نور حرام اللي تسويه في البنية .. تراها متعودة تكون مثل الفراشة تنتقل من مكان لثاني .. و هي ما سوت اللي يلحق بسمعك العار
بو نور : بس غلطتها عودة وايد عودة .. و مستحيل بسهولة اغفر لها
أم نور : الحين أنت بتقدر تحرم روحك من شوفتها ..
بو نور : اي بحاول اوووووووف و طلع من البيت ..
أم نور : لا حول و لا قوة الا بالله

و نور كانت بحالة صعبـــــــــــــــة و هي تفكر شلون أبوها درى .. يعني خلاص حلمها و حبها كله تبخر .. !!

التلفون : تررررررررررررررررررررررررررررررررنق
أم نور : نعم من معاي ؟
نوف : أنا خالتي نوف
أم نور بخوف : هلا بنيتي شخبارج ؟
نوف : الحمدلله خالتي .. الا شخبار نور قاعدة أحاتيها .. موبايلها مغلق .. و ما تبين
أم نور : هي بخير اذا بتكون بعيدة عندكم .. ترى أبوها مانعها تكلمكم .. و سمعي بنيتي قولي لاخوج يبتعد عنها .. أحسن له مفهوم مع السلامة
نوف : بس
أم نور صكت التلفون ..
و نوف قعدت محتارة ما تدري شالسالفة .. !

********************************
في فرنسا :

رشا : أحلام وينج حبيبتي ؟
أحلام : هني في المطبخ
رشا : تدرين اليوم شوصلني ؟
أحلام : شنو ؟
رشا : ضرف من لبنان مكتوب فيه بأن زوجي توفى و انا الوريثة الوحيدة لأملاكــــــه اللي تتضمن الملايين ..
أحلام : من صجج ؟
رشا : مدري كفخيني يمكن انا في حلم
أحلام : هههههههههه لها الدرجة .. تستاهلين كل الخير حبيبتي
رشا : مشكورة غناتي .. ترى لازم نستعد كلنا بنروح نعيش في لبنان .. عشان انا أدير شركتاه و حلاله .. اللي راح تكون كلها من نصاب عبووووووودي مستقبلا
أحلام و هي تحضن رشا : يعلنا ما ننحرم من بعض ..
رشا : آميـــــــــــــــــــــــــــــن يا رب العالمين .. انا حجزت موعد الطيارة بكرة الصبح شرايج ؟
أحلام : بكرة الصبح ما راح يمدينا نجهز أغراضنا ..
رشا : لا بس بناخذ بعض الملابس و الاشيا الازمة لعبودي .. و هناك مشاءالله عندهم كل شىء .. راح نشتري
أحلام : عيل خلاص بروح أجهز أغراضنا و انتي روحي أرتاحي تراج تعبانة
رشا : اوك

**************************************
في بيت بو فارس :

فارس : يمة ابي اتزوج ؟
أم فارس : أنت ينيت أول أدرس بعدين أشتغل و عقبه فكر بالزواج
فارس و هو خايف بان نور تروح من أيده : يمة على الأقل خطوبة
أم فارس : بس يا ولدي انت توك ياهل
فارس : حرام عليج يمـــــة .. احب البنية و أخاف تروح مني
أم فارس : من هي سعيدة الحظ ذي ؟
فارس : نور بنت شريك أبوي
أم فارس : اها هم من عايلة مرموقة .. مثلنا ..
فارس : عيل أقول لابوي يكلم بو نور ؟
أم فارس : أول أقنعه
فارس : لا يمة أبوي راضي و مقتنع
أم فارس : يعني مخططين من وراي .. آي منكم يا الرياييل
فارس : ههههههههه
أم فارس : خلاص عيل صرت معرس بس انت راح تخطبها و بعد الجامعة تتزوجون
فارس : قولي أنشاءالله توافق
أم فارس : عشتوا من اللي بترفض نصيب مثل فارس ..

فارس و كله أمـــــــــــــــــــــل ..

********************************************

بو فارس كلم بو نور عن سالفة الخطبة و بو نور وعده خير .. و يوم رد البيت .. راح و فتح باب غرفة نور .. شافها راقدة .. يا الله ها الويه الملاكي .. ويه بنته .. حرم نفسه من شوفتها ثلاثة أيام ..

و قعد على الكرسي في غرفتها .. الى أن قامت ..
بو نور بجفاف مصطنع : صباح الخير توج قايمة ؟
نور و هي تبجي : يبة سامحني ما كنت اقصد .. تدري حركات يهال .. و باست ابوها على راسه
بو نور : ترى في خطاب ياو و خطبوج ؟
نور : شنوووووووو ؟
بو نور : اقول لج فارس يا خطبج و انا موافق
نور و هي تصارخ : لا يبة تخفى ببوس ريولك لا تزوجني فارس .. ما ابيه ما أحبه تكفى يبه
بو نور : مب لازم تحبينه .. و اصلا الريال شارييج .. و هاي الزواج راح يكون خير و بركة علينا كلنا
نور : يبة عليك أنت بس مب علي .. حرام عليك حبستني مع أني كنت مسوية عمل أنساني شريف و قلت ابوي و له الحق يخاف علي .. بس الزواج لا تكفـــــــى يبة انا ياهل لحد الحين .. ما ابي اتزوج
بو نور بدهاء : ما تبين تتزوجين من فارس بالذات صح ؟
نور : استفسر الأمر على هواك بس يبى تذكر انا نور بتنك اللي تتمنى لها كل الخير فشلون بتغصبها على شىء ما تبيه
بو نور : بس هاي فرصة بو فارس يقول أنتوا تسوون لكم خطبة صغيرة .. بس بعد ما تكملون الجامعـــــــــة تتزوجون ..
نور و هي تبوس ايد ابوها و الدموع غارقة ويهها : حرام عليك يبة ارحمي ..
بو نور رق قلبه و بدأ يتذكر سنين العذاب الى أن رزق بنور و أنحرم من يهال غيرها و سنين الدلال اللي غرقها لنور .. شلون يعذبها و يكون سبيل لدفنها و هي حيــــــــــــــة ..
طلع من غرفتها بدون اي كلمـــــــــــــــــــــــــــــة

 

[صدى الاحزان]

الجزء الخامس و العشرون ::

وصلوا رشا و أحلام و عبدالله الى لبنان .. و هنـــــــــــــــــــاك أخذوا لهم تاكسي .. و راحت رشا قصـــــــــر زوجها اللي هربت منـــــــــه قبل سنين .. و دقــــــــــــــــت الباب فيات الخدامـــــــة تفتحه ..

الخدامــــة : يس مدام
رشا : نووووووووووورية هذي أنتي ؟؟ انا مدام رشا
الخدامة من زمان تشتغل عندهم و هي قاعدة تتذكر : اوووووو مدام رشا ..
رشا : اي انا ..
الخدامة : ماما انتي ليش يهد أحنا و يروح .. تدري بابا كان واجد يحب أنتة .. أول ما أنت يروح بابا يصير تعبان .. الى أن في مــــــــوت
رشا : طل هذا بابا كان شرير بروحج شاهدة على اللي سواه فيني
الخدامة : بس بعدين بابا يتغير .. تفضلي ماما
دخلوا داخل البيت .. و رشا قعدت تتأمل البيت اللي تركته من سنين .. ما كان بس بيت كان قصـــــــــــــــر عود بحديقة واسعـــــــــة .. و فيه كل شىء ..
أحلام : واااااااااااو يينن
رشا : اي بس اذا الظلم ينتشر بجدرانــــــــــــــــه ما يبين انه حلو .. اما اذا السعادة تحلق فيه تصير العكس
أحلام : في جم غرفة ؟
رشا : على ما أتذكر 8 غرف
أحلام : مشاءالله لا الاه الا الله ..
رشا : أمشي نركــــــــــــب فوق و نشوف الغرف المناسبة لنا
أحلام : يالله عيل امشي

ركبوا فوق و اختاروا لهم غرف ..و بعدين داروا بالبيت و من التعب رقدوا بسرعــــــــــــة

و الصبح :

نزلت رشا من دارها .. فشافت أحلام و عبودي قاعدين ..
رشا : صباح الخير
أحلام بابتسامة : صباح النور

فيات لأحلام الخدامة نورية : ماما انت شنو في أسم ؟
أحلام : انا اسمي أحلام
الخدامة : اسم حلو ماما
و بعدين قالت لهم : ماما أحلام و ماما رشا انا في حط ريوق ..

فراحطوا غرفة الطعام و أكلوا الريوق ..
بعدين بدلوا و راحوا المحكمـــــــة يشوفون أملاك رشا اللي ورثته من زوجهـــــــــا ..

************************************

بو نور كان يحاول يتجنب نور مع انه فتح باب غرفتها و خلها شوي على حريتها ..
بس نور ما كانت تطلع من دارها و في ها الفترة ما كانت تاكل شىء فضعفت وايد و صار ويهها لون أصفــــــــــر ..

يعد جم يوم :

بو نور : نووووووووووووور الخطاب ياو
نور و هي تصيح : تكفى يبة .. حرااااااام عليك .. مابي اتزوج .. مابي
بو نور : انتي بدلي و نزلي .. و قولي لهم رايج هناك
نور : لا مابي اشوووووووفه يغثني .. و يلوع جبدي
بو نور : عيب ها الحجي .. كوني بنت عاقلة و مطيعة و نزلي سلمي
نور : يبة حرااااااااااااااام
بو نور : شوفي عندج خمس دقايق تنزلين و انتي بأحلى صورة .. و اذا ما نزلتي ما راح أسامحج طول عمري
نور : يبة
بو نور : و حطبــــــــــــــــة يالله

و طك الباب و راه
فراحت نور تبدل من ورى خاطرها .. لبست لها ثياب لون اسود و ما خلت لها مكياج ..
و هي قاعدة تقرر بانها بتنزل و تقول في وييهم انا مابي اتزوج فارس .. عشان تخليهم جدام الأمر الواقع
أم نور لحقت عليها قبل لا تنزل : هييييي نورو شلابسة بتفشلينا روحي بدلي و تكشي
نور : مالي خلق يمة
أم نور : شفيج ما تفهمين يايين لج خطاب تحت لازم تكونين حلوة و مزيونة
نور : يمــــــــــــــة ما ابي اتزوج
أم نور : انتي نزلي و اذا المعرس ما عجبج رفضي
نور : يعني عادي ابوي ما بيستحمق
أم نور : انتي نزلي و شوفي .. و بلا كثر الاسئلة
و ودخلت وياها غرفة نور و طلعت لها ثياب حلوو و حطت لها مكياج ناعم و بسيط ..
أم نور : أمشي ننزل ..
نور : لا يمـــــــة مابي
أم نور طالعتها بنظرة خلها تنزل ..
و هناك بو نور كان واقف عند الدري
بو نور : نور في خطاب يايين لج انتي يا رفضي او قبلي
نور : ما بتزعل اذا رفضت
بو نور : انتي اول شوفيه بعدين قرري
نور : بس انا مابي اتزوج فااااااااارس أكرهه
بو نور : من قال لج أن اللي يايج الحين فارس
نور باستغراب : عيل منو
بو نور و هو يهمس : يوووووسف
نور بغى يغمي عليها : يوسف .. بس يبة انت كنت حابسني و مانعني من كل شىء و كنت تبي تزوجني بالغصب من فارس
بو نور : اي صحيح لان اللي سويتيه غلط .. بس بعدين يوسف ياه و تفاهم وياي و طلبج من ايدي .. و انا رفضت فارس مع أن صارت لي مشاكل في الشغل .. و جريب أنشاءالله شركاتي بتنفصل عن شركات بو فارس بسبب رفضي لفارس
نور : اسفة يبة
بو نور : لا نووووووور انا السبب كنت عمي .. و سويت فيج أكثر مما تستحقينه مع أنج كنت مسوية عمل خير و انساني ..
نور و هي تحضن ابوووووها : ...
بو نور بخبث : ها نور شرايج بيوسف لحد الحين رافضة الزواج
نور بحيا : يبــــــــــــــــــــة ..
بو نور : طبعا اذا وافقتي راح تسوون حفلة خطوبة بس بيناتنا الحين و الزواج بعد ما تتوظفون .. ترى أحسن تسوون خطوبتكم الحين عشان فارس يبتعد عنج .. لانه كان يتوعد اذا ما تزوجج بيدمر حياتج
نور بخوف : يقدر يسويها
بو نور : اتخسي الا هووو .. يالله بنيتي دشي عيب الجماعة ينطرون
نور : بس استحي
بو نور : نووووووووووووووووووووووورو يالله
نور : زين زين بوي
و دشــــــــت داخل و هي منزلة راسها
نور : السلام عليكم
الكل : و عليكم السلام
و يوسف عيونه ما ينزله فنووووور وايد أستحت
أم يوسف : حياج الله بنيتي تعالي قعدي هني
نور : مشكورة خالتي
نوف و هي تهمس : الاخت ميتة من الحيا
نور بهمس : جان أكفخج الحين
نوف : ضحكتيني ما تقدرين
نور : اقدر بقول لأحمد عن طولة لسانج عشان يبتعد عنج
نوف يثقة : ما راح يصدقج يا اللوتية
يوسف بفخر و حنان و رقة : نوف ابتعدي عن عروستي احسن لج
بو يوسف : قعدت و استخفيت لحد الحين البنية ما قالت اذا هي موافقة او رافضة
يوسف : يعني بعد لازم ننتظر تعبت ابي استانس
بو نور : ههههههه ها بنيتي شرايج ؟
نور و هي مستحية : الشور شورك يبة
بو نور : يعني موافقة
نور : اي
يوسف وقف : صـــــــــــــــــــــــج
بو يوسف : اقول لك ينيت أقعد ههههههههههه صج عيال آخر زمن
يوسف : زين عمي متى الخطوبة
بو نور : مدري و الله
بو يوسف : اللي انا اقوله لازم تقعد وية نور و تتحجون شلون راح يكون مستقبلكم
بو نور : اي صدقت اخوي ..
يوسف : زين متى اقعد وياها
بو يوسف : يا المصرقع الحيـــــــــــــــــن
نوف : هههههههههههههههه
بو نور : ها الصالة اللي يمنا مفتوحــــة تقدرون تقعدون و تحددون مستقبلكم على هواكم
نوف : اي و لا تتأخرون بس راح ننطركم ساعة
يوسف : انشاءالله عمتــــــــــــــي

الجزء السادس و العشرون ::

راحوا يوسف و نور قعدوا بالصالـــــــــة الثانية ..

يوسف : ما تدرين نور شكثر انا مستانس
نور بحيا : و انا بعد
يوسف : حلــــــم حياتي تحقق أخيرا افتكينا من فارسو .. صحيح كان رفيجي بس طلع يبي ينافسني في الحصول على القمر ..
نور : ......
يوسف : يا بعد أهلي تكلمي .. خبريني شكثر تحبيني ؟
نور : كبر الشمس
يوسف : افا يا الغلا انا احبـــــــج كبر الشمس و القمر و الارض و كل العالم
نور بحيا : فديتــــــــــك و الله
يوسف : نواااارة حبيبتي تفداني .. بمووووووووت
نور : وي عشتواا .. بسم الله عليك حبيبي
يوسف : الله الله جني اليوم بطير
نور : ههههه تعال يا الحبيب لا تضيع الوقت امش نخطط للمستقبل
يوسف : هيه اللي يقعد ويا الحب ينسى الدنيا و ما فيها
نور : يوووووووسف
يوسف : عيونه .. خلاص خلاص .. ههههه .. زين احنا راح نسوي خطوبة صغيرة نهاية ها الاسبوع و بعد الجامعة راح نتزوج شرااااااااايج ؟
نور : نهاية ها الأسبوع ما يمديني اتجهز
يوسف : حبيبتي .. حفلة عائلية بس بيننا أحنا و أنتوا يعني بس بثياب بسيط .. و ما بتحتاج الحفلة حق الكشخة و ها السوالف
نور : اذا في خطوبتي ما تبي تشوفني مكشخة اخاف عيونك تلتفت حق الشقر اللي حولك
يوسف : وااااااااي أنتي انا اللي تحديت الكل عشانج التفت للخياس و اهد القمر .. فديتها و الله
نور : احم احم بسك غزل .. تراني ذبت
يوسف : ههههههههه

و قعدوا يحددون كل شىء ..
و بعدين اتفقوا عايلة بو نور و ية عايلة بو يوسف .. بكل شىء من المهر الى الشبكة ..

*******************************************

فارس من بعد رفض نور له ..
كان يائس من الحيــــــــــــــــــــــاة .. ما كان داري انه يحبها لها الدرجــة .. لحيتها صارت طويلة .. و شعره صار طويل .. و حالته ما تسر لا حبيب ولة عدو ..
أمــــــه حاولت وياه وايد بس ما طاع يسمع لأحد ..
بو فارس : شفيك يا ولدي ؟
فارس بحزن : يبة مابي اكمل دراستي هني
بو فارس : تدلل وين تبي تروح تدرس ؟
فارس : اي مكان بس مب هني ..
بو فارس : زين ولة يهمك تبي تروح تدرس بامريكا ؟
فارس : اي عادي
بو فارس : خلاص أبشـــــــــر .. انت بس اطلع وية ربعك و رد مثل أول .. و ترى بكرة بروح المحكمة لان انا و بو نور بنفك شراكتنا
فارس بكره : يستاهلون
بو فارس : رفض نور لك دمر كل شىء .. بس يالله الحمدلله على كل حال .. تامرني على شىء
فارس : سلامتك يبة

*******************************************
في اليوم الثاني .. بو نور و بو فارس كانوا في المحكمـــــة ..
و هناك سووا أجراءات فصل الشركات عن بعضها البعض .. و كل واحد منهم راح بحال سبيله مع انهم توفقوا وايد بشراكتهم بس كالعادة .. أن الرياح تسير في ما لا تشتهيه السفن ..

******************************************

الحريم من قرادتهم هههههههههههه من الصبح لافين من مجمع لثاني يتزهبون لخطوبة نور و يوسف ..
طبعا أم يوسف و نوف و نور و أم نور .. كانوا وية بعض رايحين ..
و كل ما شافوا محل للملابس السهرات دشوا يشوفون ..
و بعدين كلهم راحوا بيت بو نور ..
أم نور : ههههههههه ذبحتوني
نوف : خالتي عيل ماتبيني نكون كشخات
أم يوسف : ترى الخطوبة بس بيناتنا ..
أم يوسف : اااااه منكم مدري شلون طاوعتكم و شريت لي ثياب سهرة مالت المراهقات .. هههههههههههههه فشيلة ألبسها
نور : يووووووووووووو يمة عادي شفيها اذا بتلبسون حفرة .. ترى يقولون كل ما تتقدمون في السن بالفصحة عجائز يعني تصيرون مراهقات أكثر لووووول
أم نور : مالت عليج ..
نوف : اقووووووول نوروووووووو ثيابج يينن .. ترى أخوي بيتخبل عليج
نور بحيا : مشكوووووووووورة يا أم لسانين
نوف : العفو يا الخبلة
نور : محد خبل غيرج
نوف : يمـــــــــــــــــــــة شوفي نووووورو شتقول عني
أم يوسف : قراااااااادتج فديتها مرت ولدي مأدبة مب مثلج .. مالت عليج ..
نوف : افا و الله افا بعتيني و أشتريتي ها السبااااااااااااااااالة
أم يوسف : موووووووتي حرة .. حمارة وحدة
نور : حرررررررررة .. فديت خالتي أم يووووووووووووسف
أم نور : يا ويلج أم يوسف من ها السوسات .. بعد زواج يوسف جان تشوفين كل يوم سب و شتم و هواش في البيت
نوف : شنوووو خالو تبيني أعنــــــــــــــــــــس .. ترى اذا يا الوقت اللي يووووووسفو بيتزوج نوووووووورووووو انا بكون مخطوبة
نور : احم اذا ما صرتي عانس
نوف : بسم الله علي .. فال الله ولة فالي
أم يوسف : تييبون الضغط و السكر
نوف : افا يمة ما يبنا الكلسترووووووول
أم يوسف بقهر : بايخة وحدة
نوف : اعجبج
أم يوسف : لا و الله بس نووووور اللي تعجبني
نوف : زين أوريها ها النوووووووورو لازم اذبحها
نور برقة : وووووووي
نوف : لا لا هونت قلبي ما يطاوعني اذبح رفيجة العمر يازعم
نور : واااااااااااااااي انتي
أم يوسف : يالله الحين بنستأذن تأخر الوقت من الساعة 8 الصبح و احنا قاعدين نلف في المجمعات و الحين الساعة 8 في الليل ..
أم نور : الله يعطيكم الف عافية
أم يوسف : الله يعافيج .. الحمدلله في يوم قدرنا نشتري كل شىء
نوف : اي فكـــــــــــــة
نور : اسمنــــــــــا حريم عيل شتبونا نكون
الكل : ههههههههههههههههههههههههههههههههههه

 

[صدى الاحزان]

لجزء السابع و العشرون ::

اليوم خطوبة نور و يوسف ..
نور لا الاه الا الله كانت مثل القمر و أحلى بعد .. و يوسف كان يخبـــــــــــــل الواحد من حلاته و خصوصا وية الثوب و البشــــــت يا سلام صج معاريس .. خلونا نرد للواقع نور كانت متغطية بالكامل .. الى أن وصل الشيخ اللي بيملجهم ..

الشيخ : السلام عليكم
يوسف : و عليكم السلام
قعد الشيخ و بعدين طلع دفتره .. و قعد يتكلم الا أن وصل للنقطة الأساسية ..
الشيخ : مبرووووووووووووووووووووووووووك
يوسف : الله يبارك فيك

بعدين الرياييل طلعوا من الصالة بس بقى يوسف .. ما كان يدري شيسوي ..
يات له نوف و قالت له يالله شيل الغطاء اللي على نور .. فقام يوسف شاله بخوف .. أنصدم .. ! نووووووووووووووووووووووور بها الجمال لا الاه الا الله محمد رسول الله .. تف تف تف تف تف تف لا يحسدون حبيبتي .. و قام باسها على جبينهـــــــــــا ..
يوسف : مبرووووووووووووك حياتي
نور بحيا : الله يبارك فيك يوسف ..
و بحركة سريعة يود ايدها و تمسك فيها ..
يوسف : نور
نور لفت صوبه : نعم
يوسف : ما توقعتج لها الدرجة حلوة
نور : وه شايفني وحش عيل
يوسف : لا حياتي بس مشاءالله عليج تهبلين .. لو قالوا لي منو احلى وحدة في الدنيا جان أقوووووووول لهم نور مرت يوسف
نور : هههههههههههه فديت نور مرت يوسف
يوسف : و افا ما تفدين يوسف
نور : و بعد فديت يوسف زوج نوووور
يوسف : ههههههههههههههه هيه في يوم من الايام كنت ضان انج ما راح تصيرين لي
بس اليوم عرفت ان نووووووووور لي انا و بــــــــــس و الباقي خس ..
نور : ههههههههه صج انك مصرقع
يوسف و هي يسوي روحه زعلان : ما هقيتها منج انا مصرقع .. خلاص زعلت
نور و هي مصدقة السالفة : لا حبيبي تكفى لا تزعل .. حقك علي انا الخبلة اللي اقول ها الاشيا .. يالله أحبك
يوسف : ماني مسامحج الا اذا عطيتيني حواوة
نور : شنووووووو من وين أييب لك حواوة ( حلاوة بلغة اليهال ) ؟
يوسف : لا يعني ابي بووووووووسة
نور : روح فج وية ويهج جدام خلق الله ..
يوسف : شفيها انتي مرتي على سنة الله و رسوله
نور : نوووووووووووو
يوسف : خلاص ما بكلمج
نور بحيرة : زين زين بس من بعيد
يوسف : يعني في الهوا بعد مقبول كل شىء منج مقبول
خلت اديها على جهة اللي الناس قاعدين و باسته في الهواا
يوسف : فديت عمممممممممرج حبيبتي
نور : اي مصلحجي
يوسف : ههههههههههههههههههههههه

يعني ليلة خطوبتهم مع انها كانت بسيطة بس كانت فلــــــــــة و عجيبة .. و وناسة حد

*********************************************

بو فارس : يا أم فارس حال فارس ما يسرني شرايج نعرضه على طبيب نفساني
أم فارس : شنووووووووووووو يا حبيبي انا ما اعرض ولدي و وحيدي على طبيب للميانين
بو فارس : انتي طول عمرج ما تعقلين .. الولد نفسيته تعبانة يعني محتاج طبيب نفساني
أم فارس : اوووووو زين انت كلمه اذا بيوافق وده
بو فارس : وليش مب أنتي ؟ انتي مب أمه ؟
أم فارس : تاكلنا بقشورنا بروح بكلمه و بحاول أقنعــــــــــه ..

و ركبت الدري .. و هناك
أم فارس : اااااااااااااااااااااااااااااااااااااااااااااااااا ااااااااااااااااااااااااااا و قعدت تصارخ و تصيح و تركض ..
بو فارس و هي يلحق عليها : شفيج
أم فارس : فاااااااارس أنتحر ااااااااااااااااااااااااااااااااااا
بو فارس : بسرعة راح اتصل بالاسعاف .. بعدين راح و شاف فارس ..

كان رابط عنقه بحبــــــــل .. و يوم تحسس نبضاته الحمدلله كان يتنفس بس ببطأ .. فحاول يشيل الحبل من عنقـــــــــه ..
و يوم وصلوا الاسعاف نقلوه للمستشفى .. و تبين أنه حاول الانتحار لان عنده حالة نفسيـــــــــــة .. و بهذا صكوا ملفه في المخفر .. و بعد فترة رد على حاله و ندم على فعلته .. و بدأ يستغفر ربه ..
و بدأ يتعالج عند طبيب نفساني .. و يحاول يقويــــــه و يبين له قضاء الله و قدره ..

************************************************
نوف كالعادة أنسانة مراهقــة مع أنها في الجامعة .. حياتها كلها مبنية على أحلام في أحلام .. تحب الخيال .. و مثل ما تعرفون تحب أحمد .. و أحمد كان يحاول يجد و يكد عشان يوصل لاعلى المراتب .. عشان يوم يتقدم لها لا ترفضها و هي تحاول بان تبين له انها شاريته بس بطريقة ما تجرح كرامتها و كرامة اهلها ..

و المعاريس يا حليلهم .. نووووور على حياها و يوسف على جرأته .. و خصصوا الأهل لهم يوم الجمعة عشان يطلعون على هواههم .. و فترة الخطوبة قاعدة تمشي حلوووووووووووو .. و بعد جم يوم راح تبدأ السنــــــة الدراسية الثانية في الجامعة .. و في ها الفترة فارس تشافــــى و سافر أمريكا عشان يدرس .. و عرف أن حبه لنور كان مجدر وهــــــــــم .. خدع روحه به ..

**********************************************

بعد شهور طويلة ..
و اخيرا خلووووووووووووود في مستشفى الولادة بتولد ..
و حسن كان مستانس .. الشىء الوحيد اللي مصبره على العيش وية خلود هو ها الطفل .. و بعد ساعات طويلة .. طلع الدكتور .. و بشر حسن بأن زوجتـــــــــه ولدت بنت ..

حسن و هو يقول في باله : بنت !! كنت ابي ولد يحمل أسمي بس الحمدلله على كل حال .. وقعد يشكر ربه على النعمــــــة اللي عطاه اياها .. بس بسرعة لبث الدكتور يا صوبه و قال له : بس للأسف
حسن بخوف : بس شنوووووو ؟
الدكتور : المدام توفــــــــــــــت
حسن بصدمــة : خلود توفت !! و مسكينة ها الياهل من يربيها ؟
الدكتور : لا حول و لا قوة الا بالله
حسن : انا الله و انا اليه لراجعون .. بس شلون توفت ؟
الدكتور : اصابها نزيف حاد ادى الى وفاتها
حسن : ممكن أشوف بنتي ؟
الدكتور : اي تقدر تشوفها .. بس شراح تسميها ؟
حسن و هو قاعد يفكر يوم كان قايل انه بييب بنت و بيسميها أحلام خلود زعلت و قالت أنها تبي تسمي اذا بنت يابت أمل .. : ....
الدكتور : نعم شالاسم ؟
حسن : أمـــــــــــــــــــــــــــل
الدكتور : مبرووووووك عليك أمل
حسن و هو تعبان و محتار : الله يبارك فيك

الجزء الثامن و العشرون ::

بعد عشرين سنــــــــــــة ..

نور و يوسف تزوجوا .. و نور صارت مهندسة كمبيوتر بالمثل يوسف .. بس يوسف كان يدير حلال ابوه .. و يابت نور ولدين و بنت .. و قعدت تربيهم على الحــــــــــــــــب و المحبة بين الاخوان .. و كانوا أجمل ثنائي للحب الصادق ..

اما عن أحمد .. بعد ما أشتغل راح و خطب نوف من أهلهـــــــــا .. و أكيد نوف وافقت .. بما أن أحمد كان مدير في شركة كبيرة .. فنوف قعدت بالبيت تربي ولدها الوحيد ..

اما أم يوسف و بو يوسف .. كبروا بالسن و كان همهم الوحيد هو الجمعــــــة مع أحفادهم .. و طبعا يوسف كان يعيش وية زوجته و عياله في بيت ابوه ..

اما أم نور و بو نور .. بو نور توفى قبل 5 سنين .. و ترك ورث كبير لنور و أم نور .. فقامت نور و ضمت شركات أبوها مع شركات بو يوسف .. عشان يوسف يقدر يدير كلها .. و يحافظ على حلالها .. و أم نور راحت تعيش وية نور في بيت بو يوسف .. و سموا ها البيت ببيت العايلة ..

اما عن احلام و رشا و عبووووووودي .. أحلام كانت نعم الأم و رشا بعد حتى عبدالله ما كان يدري شىء عن أبوه كل ما كان يسأل أمه او خالته رشا عن أبوه كانوا يقولون له .. هدنا و راح .. و الحين عبودي في جامعة بيروت قاعد يدرس ادارة الأعمال .. عشان يدير شركات خالته اللي بتصير ملكه لما بيكبر ..

أما عن حسن .. بعد وفات خلود قبل 20 سنة .. طلبت أم زوجته حظانة الياهل بس هو رفض .. و قعد يربي بنته و يدللها و رفض الزواج بس عشانـــــــها و على قولته انا ما عندي حظ بالحريم .. و كان يقعد بالساعات في غرفته و يصيح مثل الياهل و يوم تدش عليه أمل يقول لها هو بس تعبان .. و هي كانت دارية بان في حياته سر كبير بس هو خافيه عنها .. و يوم كملت الثانوي .. رسلوها فرنسا بعثة لتدرس المحاماة في جامعة البيروت .. فسافر وياها ابوها و هناك اجروا لهم شقة يسكنون فيهــــا ..

و أخيرا عن فارس سافر لأمريكا و درس و كافح .. و نسى نور .. و هناك عاش قصة حب مع وحدة من بنت بلاده تدرس هناك .. و في النهاية تزوجوا .. و هو رجع البحرين عشان يدير شركات ابوه .. و رزق بولدين

********************************************

بعد ما عرفتوا اللي صار خلال هال 20 سنــــــــة ..

في البحرين ::

نوف و أحمد و ولدههم ياو بيت العايلة :

نوف : سلام عليكم .. في احد بالبيت ؟
نور : أي انا هني نوف .. تفضلي
نوف : اكاه أحمد بعد وياي لبسي شيلتج ..
نور لبست شيلتها : تفضلوا
نوف و أحمد : دام فضلج
نور : شتشربون ؟
نوف : وي نوروو عادي ترى أدل المطبخ .. ههههههه
نور : هههههههههههه
نوف : زين وين الأهل ما اشوف أحد بالبيت ؟
نور : اي الله يسلمج أمي و أم يوسف و بو يوسف رايحين عزيمـــــــــة ..
نوف : اوووو زين غيروا الجو و طلعوا من البيت .. وينهم اليهال ؟
نور : فوق يلعبون
نوف و هي تحاجي ولدها : أركب يمة و ألعب وياهم
نور : يا حليله
أحمد : انا بترخص الحين عندي جم شغل بعدين برد
نور : ما شربت شىء لحد الحين أخوي
أحمد : لا مشكورة
نوف : زين حبيبي بس لا تتأخر
أحمد : تامرين أمر .. يالله مع السلامة

و بعد خمس دقايق وصل يوسف ..

نور : يا هلا و الله بالغالي
نوف : أحم أحم
يوسف : اوووووهو انتي شيايبج يا أم لسانين هني .. يعني انا راد من الشغل و تعبان ابي اقعد وية زوجتي
نوف : روح غرفتك
نور : تبي الغدى الحين حبيبي
يوسف : لا حبيبتي مشكوووووووورة بروح ارقد الى ان ها النسرة بترد بيتهم بعدين بقوم
نوف : افا يا خوي افا ..
يوسف : الله يعين أحمد عليج .. صج خبل أنه تزوجج
نوف : لا عيوني نووووورو الخبلة انها تزوجتك
يوسف يبي يحر نوف : نور يا بعد اهلي و الله انتي خبلة لانج تزوجتيني ؟
نور برقة : فديتك و الله .. لاااااااااا اللي محترين هم الاخبال
نوف و هي منقهرة : روووحوا غرفتكم احسن ..
يوسف : هههههههههههه وينهم اليهال ؟
نور : فوووووق
يوسف : عيل أمشي حياتي انروح فوق
نوف : و انا
يوسف : خيسي هني الى أن زوجج يي و ياخذج
نوف : هين اووووريك ..
نور : هههههه صلوا على النبي شفيكم ؟
يوسف : عن اذنكم برووووووووح أرتاح ..
نور : أذنك معاك حبيبي ..

و بعد ساعة رد أحمد و خذ نوف و ولده ..
أما عن أم نور و أم يوسف و بو يوسف .. ردوا نص الليل .. من العزيمـــــة

******************************************

في بيروت بالاخص في الجامعة ::

عبدالله : ليدي ان قرين .. ليدي ان قرين لحظة وقفي
أمل و هي تفتر : نعـــــــــم خير
عبدالله : وقفتنا جذي مب حلوة يصير نقعد
أمل : شتبي خلصني ترى انا ما عندي سووالف
عبدالله : لا السموحـة زين بقول لج بس اتمنى انج تكونين متفهمة
أمل باستغراب : خير ؟
عبدالله : أنا ابوي طلق امي من يوم كنا صغار و عشت وية امي و خالتي .. امي و خالتي حاولوا يحيطوني بحبهم .. بس انا طول عمري افتقدت لحب الابوووو
أمل و قلبها رق له : شاللي تبيه مني ؟
عبدالله : الحب
أمل و هي فاجة عيونها : بس هاي شىء صعب
عبدالله : من أول سنة جامعة و انا قاعد اشووووووفج .. و صدقيني انا صادق في حبي لج
أمل بغت تمشي عنـــه : .........
عبدالله : أمل وقفي ارجوج انا محتاج لج
أمل افترت و بكل جرأة قالت : اذا تبيني تعال أخطربني .. لأني مستحيل أضحي بكرامتي ..
عبدالله : وايد استانس .. لان تصرفها يدل على أخلاقها و أدبها
و قال لها : أكيـــــــد أوعدج أول ما أخلص الجامعة بخطبج ..
أمل ابتسمت و مشت عنه بحيا : .........

( أمل اصغر من عبدالله بسنـــــة تقريبا .. و أمل بعد كانت تحس انها تحبه بس خاشة شعورها

 

[صدى الاحزان]

الجزء التاسع و العشرون ::

يوم رد عبدالله من الجامعــة ::

رشا : يا هلا و الله بعبوووووووودي ..
عبدالله : هلا و الله ببيوتفل ليدي .. شخبارج خالتي ؟
رشا : تمام ولدي .. انت شخبار الجامعة ؟
عبدالله : خالتي بقول لج سالفة
رشا : آمر حياتي .. أذوني منفتحـــــــة و اكاني اسمعك
عبدالله : أنا أحب وحدة في الجامعة .. و اليوم صارحتها بحبي .. فقالت لي اذا صج تبيني تعال اخطبني من ابوي .
رشا : الله الله على ولدي صرت معرس .. و لا البنية تبين بانها مأدبة و محترمة نفسها لانها قالت اذا تبيني تعال اخطبني
عبدالله : ههههههه بس شلون نخطبها .. يعني انتوا الحريم بتقعدون وية ابوها
رشا : و أمها ؟
عبدالله : أمها متوفيــــة
رشا : وي مسكينة ..
عبدالله : خالتي ابيج تقنعين أمي .. بان نروح نخطبها عقب ما اكمل الجامعة ..
رشا : ليش هي بعدها ؟
عبدالله : اي هي باقي لها سنـــــــة .. يعني انا يوم بكمل بنخطبها و بعدين نتزوج ..
رشا : زين انا بكلم أمك ..
و دشت عليهم أحلام : في شنو بتكلميني ؟
عبدالله : هلا يمة
أحلام : لا تضيعون السالفة ..
رشا : الله يسلمج أحلام عبوووووودي يبي يخطب
أحلام بلعت ريجها و هي مستانسة : و أخيرا ولدي كبررررررررررررررررررر
عبدالله راح و باسها فوق راسها : يعني موافقة يمة ؟
أحلام : اي موافقة .. بس هي شسمها .. ؟
عبدالله : أمل حسن
أحلام يوم سمعت أسم حسن تذكرت ماضيها الأسود : ...
عبدالله : شفيج يمة ؟
أحلام : ها لا مافيني شىء .. انا بس عندي شرط ؟
عبدالله بحيرة : شنو ؟
أحلام : تعيشون ويانا في نفس البيت ..
عبدالله : تامرين أمر يمة .. خلاص عيل بعد يومين حفلة التخرج لدفعتي .. و بعدها بنروح و نخطبها من ابوها
أحلام : ليش ابوها مطلق امها ؟
عبدالله : لا امها متوفية ..
أحلام : اهااااا خلاص أبشر .. انت قول للبنية بأن عقب ثلاثة ايام بنيي لخطبتها ..
عبدالله : تسلمين يا الغالية

****************************************

في ها اليومين كان عبدالله يدور أمل في الجامعة عشان يخبرها بس ما توفق بشوفتها .. لان محاضراتها في أوقات غير عن محاضراته .. و في يوم حفلة التخرج .. :

كان عبدالله لابس بشت أسود و قبعــة سودة .. و بكل جرأة كان يتقدم و يستلم الشهادة من الوزير .. و في نهاية الحفلـــــــــــة رمى كل كتبه على الأرض .. و هو مستانس .. =)

و يوم كان يبي يطلع من الحفلة شاف أمل وافقة عن الباب .. و في يدها باقة ورد ..
أجترب منها و هو يبتسم .. : سلام عليكم
أمل و هي تقدم له باقة الورد : و عليكم السلام .. مبروك
عبدالله : الله يبارك فيج ..
أمل : .....
عبدالله : أنا خبرت أمي عنج .. و قالت اذا تقدرون خلنا نمركم بكرة عشان نخطبج
أمل : بكرة .. ! اي عادي انا بخبر ابوي اليوم .. و ما ضنتي بانه بيرفض .. شرايك بعد أذان المغرب ؟
عبدالله : اوك الوقت يناسب .. اي أمل و العنوان ؟
أمل عطته ورقة : هاي فيه عنوان شقتنا
عبدالله و هو يبتسم : خلاص نطرينا بكرة
أمل : و على أحر من الجمر
عبدالله : يالله استأذن
أمل : باي
عبدالله : بايات ..

و من وراه شاف أمه و خالته قاعدين يجتربون ..

رشا : اقوووول يا المخبل هاي العروسة ؟
عبدالله : اي
رشا : مشاءالله تخبل .. تراها شوي تشابهك
أحلام : اي تشابهك .. سبحان الله .. بس بهاي اختيارك عسل عبوودي
عبدالله : ههههههه يعني حجبتكم يا الحريم
أحلام : اصلا الجمال جمال الروح و الأدب مب جمال الشكل
عبدالله : بهاي صدقتي يمة ..
رشا : يعني بتضلون وافقين أمشوا نروووح البيت ..
عبدالله : افا ما بتقولون لي مبروك ؟
رشا : الف مبروووووووووووووووووووووك يا وليدي
أحلام : تستاهل كل الخير يمة ..

و ركبوا السيارة و راحوا البيت ..

***************************************

أمل قعدت تسولف ويه ابوها :

أمل : يبة
حسن : تدللي
أمل : يبة في واحد وياي في الجامعة يبي يخطبني
حسن : يبي يخطبج ؟ متى انشاءالله ؟ و اصلا هو شسمه ؟
أمل : هو اسمه عبدالله حسن .. و انا قلت له بكرة بعد صلاة المغرب
حسن : يعني انتي متفقة ههههههه من وراي
أمل : يبين عليه خوش ولد و لا و مأدب و يقدر يعيشني و يوفر لي كل شىء
حسن : ليش هو غني ؟
أمل : اي واااااااااااااايد
حسن : زين خليه يتقدم لج بكرة و انا لازم اسأل عنه و أشوف .. بس انتي ما تعرفين اسمه الكامل ؟
أمل : لا
حسن : زين الله يستر بكرة
أمل : بس هو و أمه و خالته اللي بيوون
حسن : و ابووووووه ؟
أمل : ابوه مطلق أمـــــــه
حسن : يعني انا اقعد بين الحريم ؟
أمل : لا يبة انت اقعد وية الريال و انا بقعد وية الحريم
حسن : خلاص ابشري ..
أمل : مشكووووووور يبة ..

**********************************

و في اليوم الثاني بعد صلاة المغرب .. كانوا عبدالله و أمه و خالته في شقة أمل و ابوها

أمـــــل دخلت خالتها أحلام و خالتها رشا الى غرفة الحريم .. اما عبدالله قعد وية بو أمل في الصالة .. و الخدامة كانت تقوم بكل شىء ..

في الصالة :
بو أمل : حيا الله من يانا
عبدالله : الله يحييج يا عمي
بو أمل و هو قاعد يتأمل عبدالله : مشاءالله عندك ملامح كثيرة مني و من بنتي أمل
عبدالله : سبحان الله .. عمي احنا اليوم يايين نخطب بنتك أمل لي ..
بو أمل : و انا يشرفني ها الشىء .. بس يا ولدي انا اول شىء لازم اشوفه و يهمني ان الولد يكون باخلاق و متربي .. و الحمدلله ها الشىء يبين عليك
عبدالله : تسلم يا عمي .. و انا اوعدك اني بعيش امل بالطريقة اللي يعجبها و بوفر لها كل شىء تبيه ..
بو أمل : الا ما خبرتني يا ولدي شسمك الكامل ؟
عبدالله : عبدالله حسن أحمد علي ..
بو أمل و هو منصدم : اسمك عبدالله حسن أحمد علي ؟
عبدالله : اي عمي
بو أمل : انت قط مرة شفت ابوك ؟
عبدالله : لا ابوي طلق امي من يوم كانت حامل فيني
بو أمل و هو لحد الحين منصدم : انت وين ولدت ؟
عبدالله و هو مستغرب من اسئلة عمه : في فرنسا بس اصلي بحريني
بو أمل و الدموع في عينه : أمك أحلام ؟
عبدالله : اي بس ليش ؟
بو امل قام من مكانه و قعد يحضن عبدالله و يبوسه و يصيح و يقول : سامحني يا ولدي سامحني
عبدالله : شفيك يا عمي تراني مب فاهم السالفة ..؟
بو أمل شد عبدالله من ايده و وداه غرفة الحريم و دق على الباب .. و بعدين دش

أحلام يوم شافت بو أمل حست بانه انسان تعرفه و بسرعة وقفت في مكانها .. مع ان بو أمل كبر بالسن و شكله تغير .. بس احلام كانت تعرف ها الشخص بس وين شايفته ما تدري ؟



الجزء الثلاثون ::

أحلام يوم شافت بو أمل حست بانه انسان تعرفه و بسرعة وقفت في مكانها .. مع ان بو أمل كبر بالسن و شكله تغير .. بس احلام كانت تعرف ها الشخص بس وين شايفته ما تدري ؟

حسن و هو يتأمل أحلام و قاعد يصيح .. و الكل محتارين شالسالفة ؟
أمل : شفيك يبـــــــة ؟
حسن ما انتبه لها بسرعة راح و قعد على ركبته جدام أحلام ..
حسن : أحلام سامحيني .. تكفين سامحيني
أحلام تذكرت : حسن
حسن : اي انا حسن اللي عذبتج انا .. سامحيني
أحلام و هي تصد الصوب الثاني : اسامحك على شنو على انك دمرت حياتي او على انك غربتني عن أهلي اللي صار لي فوق ال 20 سنة ما أدري عنهم .. او عن اني صرت مطلقة في عز شبابي .. تبي السماح بعد ما شيبت و بعد ما فقدت رشاقتي بسبتك و بعد ما ....
حسن : تكفين خلاص .. الدنيا علمتني اشيا كثيرة بفراقج ..
أحلام : صعبة أسامحك .. لأنك علمتني طعم الألم .. و العيش بقلق ..
عبدالله : شالسالفة ؟ فهمونا ؟
أحلام : هذا اللي واقف جدامــك ا....
قاطعها حسن : انت و أمل ما يصير تتزوجون لان حراااااااااااااام
أمل : شلووووووون حرام ؟
عبدالله : فهمونا ؟ انا ابيها و هي تبيني
أحلام بدموع : لانكم أخووووووووووووووووووان
عبدالله : لحظة يمة ما اقدر استوعب يعني ابو امل .. هو ابوي .. و امل اختي ؟
حسن و هو قاعد يحضن عبدالله : اي
عبدالله يحاول يبعد ابوه عنه: ليش تركتني كل ها السنين ؟ ليش خليتني اتعذب لاني ما اقدر اقول لاحد كلمة يبة ؟ ليش ؟ ليش ؟
أمل : هااااااااااي السر اكيد
رشا : اي سر ؟
أمل : ابوي كان يقعد بروحه لساعات طويلة و يصيح و يوم كنت اسئله كان يقول لي مافيني شىء ..
عبدالله : جاوبني يا بو نور ليش ما سالت عني كل ها السنين ؟
حسن : انا خلاص مو بو نور انا بو عبدالله .. عبدالله يا ولدي نادني يبة نادني
عبدالله : و الله صعبة ها الكلمة و ما اقدر انطقها على لساني بسهولة
حسن : انا ابوك تذكر .. و بسرعة تصدى صوب أحلام اللي من التعب و الصدمة قعدت على الكرسي من يديد .. أحلام ليش ما خبرتيني انج كنتي حامل ؟
أحلام : انت السبب انت السبب .. انا ما دريت اني حامل الا عقب ما طلقتني و عذبتني
حسن : حرااااااااام عليج انا كل ها السنين تعذبت بسبب فراقج .. حتى زوجتي الثانية ماتت و هي تولد أمل .. حراام عليج الكل يغلط لا تعذبيني أكثر
أمل و هي قاعدة تصارخ : يعني حبي لعبدالله و الاحساس اللي كنت احس صوبه كان احساس الأخووووووة .. اي و حب الأخوووة .. الله من كلمة يا خوي .. اللي انحرمت منها في سنين عمري ..
عبدالله : كنت ضان اني وحيد أمي و ابوي اللي ما كنت اعرف وينه .. بس اللي كنت اعرف منه هو أسمـــــــه .. بس اليوم عرفت بان عندي أخت .. اخت غالية .. و راح حضن أختـــــــــــــــــــــــــه بفرح و حزن في الوقت نفسه
أمل : امشوا نقعد كلنا ..

 

[صدى الاحزان]

كل كان متأثر من ها الموقف و الدموع في عينه .. و بعد ما قعدوا ..
أحلام بسرعة شالت شنطتها و بغت تطلع من الشقة
أمل : وقفـــــــــي يمـــــة
أحلام انصدمت : يمة .؟ يمة ؟ من بنت ؟؟ هي طول عمرها كانت تتمنا يكون عنها بنت بس الله ما اراد ها الشىء
أمل راحت و باست أحلام : انا انحرمت طول عمري من حنان الأم ابوي حاول يوفر لي كل شىء بس ما كنت سعيدة بكثر اليوم لاني عرفت ان عندي أم ثانية و أخوووو
كنت احاول اقنع ابوي بان يتزوج بس كان يرفض .. و كان يقول لي مستحيل أكرر الغلطــة .. و غلطة شنووو ما كنت أدري ؟؟ و اليوم دريت كل شىء .. خالتي أعتبريني بنتج .. و الله حبيتج ..
أحلام رق قلبها و فرت صوب أمل و بسرعة حضنتها : أنا امــــــــــــج حبيبتي
أمل : عيل خلاص تزوجي ابوي من يديد
أحلام : لاااااااااااا مستحيل مستحيل
أمل : ارجووووووج يمة عشان نكبر انا و عبدالله و نتزوج بين يدج .. ارجوج
و ما انتبهت الا حسن وراها : اقسم لج باسم ربي اني كنت أحبج و لحد الحين أحبج .. أحلام تعالي قعدي و خليني أقول لج قصتي يمكن تسامحيني
أمل : ارجوووووووج يمة
أحلام : بس شلووون اقعد و اسمع من الشخص اللي عذبني شلوووووووون ؟ و قعدت تصيح
و يودتها أمل من ايدها و ودتها في غرفة الحريم و قعدتها على الكرسي عندها ..
حسن : انتي بتبدايين ولة أنا ؟ لان العيال كبروا و لازم يعرفون الحقيقة ,,
أحلام : انا ببدأ ؟
عبدالله : بدأي يمة
أحلام و هي قاعدة تجفف دموعها : بعد أدمانك على المخدرات على يد خالد الله لا يوفجه .. طلقتني .. و هديتني بلا مال و لا شىء .. بروووووووحي بديرة غير ديرتي .. و بغرفة غير غرفتي .. و الحمدلله ان كانت عندي شوية فلوس .. فطلعت من الفندق لان الضروف المادية ما كانت تسمح لي بان أقعد أكثر في فندق خمس نجوم .. ففي الايام الأخيرة في الفندق كنت أحس بلوعة و بطني وايد كان يعورني .. فيوم طلعت من الفندق عشان اروح لشقتي اليديدة عرفت اني حامل طبعا عن طريق الفحص في المستشفى .. و هناك في شقتي اليديدة ما كنت اعرف أحد .. عشت بروحي و ذقت
طعم العذاب و الحرمان .. الى ان يا اليوم اللي أشتد فيه الألم و قعدت أصارخ .. فيات ها المرة الطيبة رشا و اتصلت بالاسعاف و ولدت عبدالله قبل موعده بشهور .. فعد
ولدي في المستشفى كان في الحضانة .. و في فرنسا عندهم عادي اذا الابو ما يتواجد فعطيتهم اسمك الكامل فسووا له جواز و كل شىء .. و انت خبر خير ما تدري بشىء .. اصلا كنت ضايع بالسموم .. و في ها الفترة انا و رشا صرنا اكثر من صديقات
و خوات .. كنا الروح بالروح .. نساهم في تخفيف هموم بعض و رعاية عبدالله
و بعد فترة وصلت لرشا رسالة مكتوبة فيها بان زوجها توفى و ترك لها ورث كبير .. يتضمن الملايين .. فسافرنا لبنان و قعدنا هني ..
عبدالله : زين يمة ليش ما حاولتي تردين البحرين ؟
أحلام : صعبة وايد صعبة أرد و انا حامل فيك و بدون زوج .؟ و لا بعد قصة حب طويلة أتطلق في شهر العسل شىء مب حلووووووو يعتبر عار .. و قعدت تصيح
حسن : اما عني .. ضعت في السموم بعد ما جذب علي خالد و اقنعني بان اطلقج .. و بدون ارادتي طلقتج .. و كنت غارق في السموم .. و بعد ما بلع ريجه كمل : الا ان ياه اليوم اللي دلونا ثلاث من فاعلين الخير الى طريق الحق و الصواب .. و ودونا الى مستشفى العلاج .. و هناك انا شفيت اما خالد توفــى .. و الدكتور حاول يقنعني بان اتزوج عشان لا ارد للسموم .. في البداية رفضت و قلت باني ما بتزوج غيرج يا احلام .. بس يوم عرفت انج رحلتي من الفندق كان في بالي انج ييتين البحرين ما دريت انج بالغربة لحد الحين .. و بعد ما اقنعني الدكتور تزوجت خلود أم أمل .. مسكينة ما تهنت بحياتها .. ما عرفت طعم السعادة معاي .. لاني كنت ندمان على اللي سويته فيج يا أحلام و كنت اعاقب نفسي .. الى أن ولدت خلود أمل و توفت و هي في ألمها و حزنها .. و انا قعدت اربي خلود بنفسي .. و احاول اوفر لها كل شىء .. مع اني ما كنت ادري بان عندها اخووووووو ثاني ..

أمل : كلنا عانينا من صغرنا كلنا غلطنا و ظلمنا.. كلنا و كلنا
عبدالله : يعني يمة خالتي رشا مب اختج هي صديقتج ؟
أحلام : اي يمة بس هي اللي كبرتك و ياي و هي اللي صرفت عليك و هي اللي سوت كل شىء عشانك انت بس ..
عبدالله : اااااااه يا خالتي كنتي نعم الام الثانية
رشا : انت ولدي عبووووودي .. و سعادتك هي سعادتي
حسن قال بتردد : أحلام شرايج نرجع لبعض و نعوض عن لحظات السعادة اللي انحرمنا منها ؟
أحلام بصدمة : ....... لا ..... ما يصير
حسن : ارجووووووج فكري مب فيني في ها العيال .. عبدالله اللي انحرم من معنى الابوة و أمل اللي انحرمت من معنى الامومة .. اذا تبين سعادتهم قبلي
أحلام : اكيد يهمني سعادتهم لانهم عيالي .. و قطعة مني ..
حسن : عيل موافقة ؟
أحلام : ترى انا ما اقدر اكرر ايام السواد اللي شفتهم
حسن : اوعدج .. بان ما راح تشوفين اي شىء مب زين مني بعد اليوم ارجووووووج قبلي
عبدالله : يمـــــــــة
رشا : يالله حبيبتي فكري
أمل : يمة أرجووووووج عشاني و عشان أخوي
أحلام : موااااااااااااااااافقة
حسن : من صجج .. و اخيرا ضميري بيرتاح و اخيرا .. احبج أحلام
أحلام حمر خدودها : ........
أمل : يبة رديت لايام المراهقة
عبدالله : ههههههههههههههههه
حسن : خلني اقوم اتصل بالملاج ييي يملجنا اخاف امك ترجع عن قرارها
رشا : مبرووووووك حبيبتي هاي القرار الصح
أحلام : رشا انتي اكثر وحدة تعرفني .. =)=)
رشا : اكيد سنين و احنا وية بعض .. اصلا انا ما اعرف احد غيركم
أحلام : حبيبتي و الله

و بعد ربع ساعة و صل الملاج .. و ملجهم .. و بعدين راح ..

حسن : يالله أحلام فصخي الشيلة ابي اشوف شعرج الطويل اللي كان لون اسود ..
أحلام : مشاءالله تتذكر .. ؟
حسن: اتذكر كل شىء فيج ..
أحلام : بس يا خسارة شعري الحين تحول من الأسود الى الابيض و من طويل الى شعر قصير
حسن : كل شىء فيج حلوووو
عبدالله : زين يبة وين الحين بنسكن الشقة صغيرة
رشا : افا يا ولدي .. بروح كلنا بيتنا في وايد غرف ..
حسن : لا ما يصير .. هاي بيتج يا رشا و عيب يعني ..
رشا : شنوووووو يا حسن مب عيب .. هاي اصلا مب بيتي وحدي هاي بيتنا كلنا .. هاي بيت زوجتك و ولدك
أمل : زين عيل خلو نا نروح ..
أحلام : يالله توكلنا على الله ..

راح حسن جهز سيارته .. بعدين رد و قال لهم : يالله تحركوا ..
أمل كانت ماخذة وياها نص اغراضها و حسن بعد شوية من أغراضه على انهم بيرجعون بكرة عشان ياخذون كل شىء ..

و بعدين ركبوا سيارة عبدالله البورش ( جيب ) و راحوا الفيلا ..
أمل : وااااااااااي يا سلام هاي قصر
رشا : ما يغلى عليج حبيبتي
أمل : تسلمين خالتي

و بعدين نزلوا .. و اختارت لها أمل غرفــــــــة .. أما حسن فدخل غرفة أحلام
و أحلام كانت وايد مرتكبة ..
حسن : أحلام حبيبتي سامحتيني
أحلام : بس عشان خاطر العيال
حسن : افا و خاطر بو العيال
أحلام بغت عونها تدمع : ...
حسن : ليش كل ها الدموع حبيبتي
أحلام : يوم كنت صغيرة و حلوة ما بغيتني و الحين يوم كبرت بالسن تبيني ..
حسن : بالعكس انتي بعيووووني وااااااااااااايد حلوة .. و كل يوم تصيرين أحلى ..
أحلام : رووووح بوي عن المجاملة
حسن : من صجي .. أحلام و الله أحبج
أحلام : جنك ناسي اللي سويته فيني اللي يحب يسوي ها الشىء في حبيبته
حسن : ارجووووووج احلام لا تفتحين صفحات الماضي خلينا نبدا من اليوم صفحة بيضة يديدة ..
أحلام : ..
حسن : لحد الحين تكرهيني ؟
أحلام : اللي يحب طول عمره ما يقدر يكره اللي يجبه مهما يسوي فيه
حسن : يعني تحبيني .؟
أحلام : صج متفرغ يا المراهق
حسن : ههههههههههههههههههه فديتج و الله
أحلام : اووووو خلني ارقد أحسن لي
حسن : ههههههههه الحمدلله رجعت المياه لمجاريها ..