|
|||||||
| التسجيل | المدونات | التعليمـــات | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| قصص طويله روايات واقعية قصص هادفه,قصص جديده,قسم القصص والروايات,روايات طويله,قصص قصيره,قصص تربوية,قصص خياليه,قصص واقعيه,قصص اسلاميه,قصص مصوره,قصص جميله,قصص انجليزيه,قصص هادفه للكبار,قصص عالميه,قصص اسلاميه جديده,فلاشيات قصص رائعه |
 |
|
|
LinkBack | أدوات الموضوع | انواع عرض الموضوع |
09-06-26, 06:22 PM
|
#11 | ||
|
|
العضو :
صدى الاحزان
المنتدى :
قصص طويله روايات واقعية
الجزء الثالث عشر :: نور و هي تنزل من على الدرج : نعم يمة .. كنتي تناديني ؟ أم نور : اي بنيتي تعالي الصالة انا و ابوج قاعدين هناك .. نور و هي تدش الصالة : نعـــــم بو نور : زين قعدي نور : قعدنا أم نور : يا بنيتي باجر بيزورونا بو فارس و عايلته نور و هي قاعدة تتذكر : صاحب الصفقة ؟ بو نور : اي نور : زين انا شعلي أسوي .. أم نور : ابيج تساعديني اجهز الأشيا لأن العزيمة مب عاديــــــــة .. نور : تامرين أمر يمة .. يبة بو نور : هلا نور : بو فارس .. عنده بنت قدي و لة اكبر او اصغر مني بشوي ؟ بو نور : لا حبيبتي هو ما عنده الا ولد واحد أسمه فارس .. نور : شسم بو فارس الأصلي ؟ أم نور : أسئلتج غريبة بو نور : خلها تسأل .. أسمه علي محمد نور : يا ربي انا وين سامعة ها الأسم ؟ ويــــــــــن ؟ اي اي تذكرت وياي واحد في الجامعة اسمه فارس علي محمد بو نور : اي فارس قدج الحين سنة أولى في الجامعة نور : اها .. بو نور : ها عاد بنيتي ابي ترفعين راسي .. نور : ماني فاهمة يبة ليش انتوا لها الدرجة متحمسين لها الزيارة ؟ بو نور : لا عادي .. نور عقدت حواجبها .. و شافت أمها .. كانت تبجي نور و هي تبوس راس أمها : فديتج يمة ليش تبجين ؟ أم نور : خايفة نور : على شنو ؟ بو نور : من أمس و هي تصيح لانها تحاتي خالج نور : يمة خالي ريال .. شقردي .. يقدر يمشي أموره .. و مسكين ما يقدر كل يوم يتصل فيج أم نور : على الأقل يتصل كل أسبوع مرة .. صار له مسافر 3 اسابيع و ما أتصل الا مرة .. نور : اكيد مشغول أم نور : لا قلبي يعورني .. حاسة أن شىء صاير .. نور : يالله يمة عشاني لا تصيحين أم نور : بس عشانج ما بصيح بو نور : و افا عشاني أنا أم نور بضحكة خفيفة : حتى عشانك ما بصيح .. نور : الله على الحـــــــــــــــــــــــب أم نور : سكتي لا تفضحينا .. نور : ههههههههه .. في اليوم الثاني .. في الجامعة .. الساعة 11 ( في الكافتيريا ) : نور كانت قاعدة تنطر نوف : اوووووووف هاي وايد تأخرت نوف من وراها تيي : من اللي تأخرت ؟ نور : بسم الله الرحمن الرحيم من وين طلعتي ؟ نوف : من وراج .. هههههههه خفتي نور : لا تصدقين يا الماصخة .. نوف : اموت و اعرف شالسالفة اللي تبيني فيها ؟ نور : الصراحة ابيج تقدرين موقفي و تساعديني نوف : انتي بس قولي لي نور : تتذكرين يوم كملنا امتحان القيادة رديت وياكم البيت ؟ نوف : اي اتذكر و انا نسيت شنطتي على الكرسي نور : حلوووو يوم طلعتي من السيارة اخوج يوسف .. صارحني بانه يحبني نوف و هي فاجة عيونها : يحبــــــــــــــج ؟ انا اقول ليش ها الايام كله يسأل عنج نور : و قال لي فكري في السالفة و ردي علي نوف : يعني تبيني اوقفه عند حده نور : لا مو قصدي جذي .. هو لازم يعرف اني بنت محترمة و متربية و مستحيل انزل كرامة اهلي للارض نوف و هي تفكر : بس تصدقين يبين عليه من جد يحبج نور : ما فهمت ؟ نوف : طول الوقت في البيت سرحان و يوم أسله شفيك ؟ ما يجاوبني و يوم اقول له : تحب ؟ بسرعة يروح غرفته .. نور : مادري شاسوي ؟ نوف : انتي تحبينه ؟ نور بحيا : اي نوف : عيل الأمور بتتمشى في الطريق الصحيح .. بشرط ان محد يتخلى عن حبـــــــه .. نور : تعبت من التفكير .. الحياة صج صعبة نوف : بس في كل ذرة صعوبة فيها نحس بطعم حلوووووو من الفرح نور : كله من حكمة ربنــــــــا نوف : الف حمدلله على كل حال .. نور : تدرين بكرة من بيي بيتنا ؟ نوف : لا نور : تعرفين فارس علي محمد ؟ نوف : اي هاي اللي صاير رفيج اخوي نور : اي .. نوف : شاللي بييبه بيتكم ؟ نور : ابوه و ابوي شركاء .. فبيزورونا نوف : اهااااا نور : عيل انا بستأذن بروح البيت نوف : حتى انا برووووح الا تعالي نوروووو شفتي سيارتي اليديدة ؟ نور : لا تعالي راويني نوف : عيل امشي نطلع عشان اراويج اياها طلعوا و راحوا قسم الباركات في الجامعــــــة .. و شافت نور سيارة نوف اليديدة نور : مبروووووووووووووك حبيبتي نوف : الله يبارك فيج .. نور : تدرين شنو احلى شىء في ها السيارة ؟ نوف : نووووو نور : انتي صاحبتها نوف : فديتج و الله مــــــن بعيد في الباركات .. كان يوسف واقف يطالع نور .. و من وراه فارس ياه : صج ما تستحي يا المغازلجي تشوف البنات .. يوسف و هو سرحان : هاي اختي و رفيجتها فارس : هم بعد عيب يوسف اشر على قلبه و قال : بس القلب .. و مشى و بقى فارس محـتـــــــــار ما يعرف شيقصد يوسف .. هل اللي يقصده انه يحب نووووووور ؟؟ الجزء الرابع عشر :: بعد ما راح يوسف بقى فارس متعجب .. شاللي يقصده يوسف و لا ليش ياشر على قلبه و يقول القلب .. هـــــل هو يحب نور ؟؟ لا لا ما أصدق أنا بس اللي أحب نووووووور اذا حبهـــــــــــا بمــــــــوت .. زين يمكن هي بعد تحبه ؟؟ لا ما يصير نور بنت مأدبة محترمـــــة .. اوووووووهو بس انا ما اعرفهــــــــا .. ما أعرف هي بنت من . ؟ و من أي فصل و اصل .. لا ما يهمني المهم أني احبهـــــــــــا .. أحمد قال لي لازم أواجهها لان اذا ما واجهتها يمكن تحب غيري .. يمكن يوسف ؟؟ لا لا لا لا لا و طق بايده بقوة على السيارة .. و ركبهـــــــــا .. في سيارته : رن موبايه فارس : نعم يبة بو فارس : الله ينعمك بالخير فارس .. متى بتيي البيت ؟ فارس : توي مكمل الجامعــــــة الحين انا في طريجي للبيت بو فارس : زين سرع لان احنا معزومين اليوم .. فارس باستغراب : معزوووووووووووومين بو فارس : اي عند رفيجي و شريكي بو نور فارس انتفض قلبه يوم سمع اسم نور : بس يبة انا ما اعرفه و شدخلني ايي وياك ؟ بو فارس عصب : انت ما تسحي على ويهك تكلمني جذي مب جني ابوك فارس : السموحة يبة .. انت تامر أمر .. بو فارس : الحين انت ولدي يالله انا و امك قاعدين ننتظرك فارس : ليش أمي بعد بتيي ؟ بو فارس : اي فارس : عيل زين باي بو فارس : الناس يقولون مع السلامة .. لا حول الله بديتوا تتشبهون بالغرب فارس : يبة بعد هاي حياتنا بعد الاستعمار مع السلامة .. بو فارس : في حفظ الله .. و بقــــــــــــى فارس سرحـــــان في نور .. بدون ما يعرف ان القدر بيوديـــــــه لبيت نور .. خلونا نرد لفرنسا : حســـــن أنحرف صار من تجار المخدرات في أيام قليلة .. و للأسف ترك الصلاة و تلاوة القرآن .. و صار من أخس الناس على الأرض .. و بالمقابل أحلام تهدمت أحلامهــــــــــــا .. بعد ما وصلتهـــــــا ورقــــــة طلاقهــا .. و معاها رسالة مكتوبة فيهــــا .. أحلام .. أن كنت قد وعدتـــــــــك يومك بأننا سنكون لبعض دوما .. فلا تعتبريني كذاب .. لأن الأيام قد خطت لنا خطا طويلا من الآلام و البوؤس .. فأنا أحبـــــــــك و سأبقى أحبك للأبد .. لا تظني أن فراقنا الذي لا لقاء بعده سيوثر على حبي تجاههك .. و لا تبحثي عني .. لأأنك ستلقيني يوما تحت التراب .. نتيجة السم الخادر .. نعم لقد رجعـــــت للمخدرات و انا أعلم بنهايتي السوداء .. لا استطيـــــــع العيش .. فأنا لم أعد تلك الأنسان الطمــــــــــوع بل أنا بقايا أنسان .. أشرب و آكل .. و أتاجر بالسم .. فليوفقك الله مع غيري .. فأنا المــــــــــــــــــوت في عينيك .. أرجعي لبلادنا و ليجعلك الله من الموفقين أحبــــــــــــــــــــــــــــــــج حسن .. بقـــــــــــــت أحلام في الفندق .. ما تعرف شتسوي .. و اصلا الحين ما يهمها عن حسن شىء .. لأنه دمر مستقبلها .. و أخلف بوعوده تجاهها .. و شلون تتصل في أهلها و تقول لهم عن طلاقهـــــــا .. و الناس شلون بتشرح لهم الوضع .. !! أكيد بيطلعون عليها اشاعات كثيرة .. لا هي لازم ما تخبر أحد .. تعيش في فرنســــــــا الى أن تهدا الضروف بعدين تخبر أهلها .. هاي كان القرار الأخير اللي أتخذته .. .. أما في البحرين .. في بيت بو يوسف : نوف هي قاعدة تنادي : يوسف و صمخ أنشاءالله يوسف : ها شتبين يا الدبة ؟ نوف : محد دب غيرك .. امش بقول لك سالفة يوسف : تراني مب متفرغ لج نوف : غصب عليك بتتفرغ لان السالفة تخص حبيبة القلب . يوسف : أنتي شتقوليني مخرفة ؟ نوف : لا عيوني تعال بقول لك شىء عن نور يوسف و هو فاج عيونه : شدراج انتي احب نوووووور ؟ نوف : هي قالت لي .. يوسف : بسرعي كملي شقالت لج نوف : هد أعصابك عشان اقول لك يوسف : زين قولي نوف : يوسف نور بنت مادبة و محترمة ما تعرف سوالف الحب و خرابيطــــــــه .. و أهم شىء عندها في الحياة كرامتها و عزة نفسها يوسف يقاطعها : و النعم بس انا ابي اعرف هي قالت لج جوابها على سوالي نوف : اي قالت لي .. يوسف : تكفين قوليلي نوف : ههههههههههههههه حالتك تضحك صج الحب أعمى يوسف : اووووووووف قولي نوف : اهدا اهدا بقول لج .. جواااااااابها لا لا ماني قايلة يوسف بعصبية : و الله بطقج ان ما قلتي نوف : بسم الله .. بقول بقول بس لا تذبحني .. تقول انها تحبك بس كرامتها ما تسمح بان تكلمك .. و لازم الحب بينكم يكون بريىء و طاهر ما يتعدى تقاليدنا .. يوسف : الحمدلله هي بعد تحبني بمووووووووووووووووووووووووووووووووووووووت نوف : الله يقطع ابليسك انشاءالله .. لها الدرجة تحبها يوسف : و أكثر نوف : زين بسالك سؤال .. يوسف : قولي نوف : اذا تخلت عنك في يوم من الأيام ولة ما حالفكم الحظ للزواج شبتسوي ؟ يوسف : بال انتي علطول ويه شئم .. فال الله و لة فالي .. نوف : زين جاوبني على سؤالي يوسف : شوفي نوف انا صج احبها و أموت فيها و ابوس التراب اللي تمشي عليه بس اذا هي في يوم من الايام تخلت عني راح اكون مجبرور انساها لان كرامتي ما تسمح لي الحق وحدة ما تيني مهما تكون بالنسبة لي .. اما اذا جبروها على التخلي عني .. راح احاول ارجع الماي لمجاريهـــــــا .. و اذا ما قدرت بخلي كل شىء على الله نوف : و نعم بالله ما اقدر اتخيل ان نور بتصير في يوم من الايام زوجة اخوي يوسف : الله يسمع عنج بس نووووووووفووووووو ترى هاي سر لا تسوين له نشره نوف : ههههههاي تنكت .. شايفني جريدة يوسف : خخخ لا شايفج اذاعة .. نوف : مالت عليك .. خلني اروح ابرك لي .. نوف : او تعال يوسف : هلا نوف : تدري اليوم من بيزور بيت بو نور ؟ يوسف : من ؟ نوف : رفيجك فارس و أمه و ابوه يوسف : و انتي من قال لج ؟ نوف : نور يوسف : اهااااااا و مشى .. بدون ما يعرف أن هو و فارس يحبووووووووون نفس البنت
|
||
|
|
|
09-06-26, 06:22 PM
|
#12 |
|
|
العضو :
صدى الاحزان
المنتدى :
قصص طويله روايات واقعية
لجزء الخامس عشر :: في الليل .. ( في بيت بو نور ) : بو نور : يا حيا الله من يانا بو فارس : الله يحييك .. بو نور : شخبارك ؟ بو فارس : تمام يا الشريك .. انت شمسوي ؟ بو نور : الف حمدلله على كل حال .. انت شخبارك فارس ؟ فارس : الحمدلله عمي .. ام نور : توه ما تنور البيت حياج ام فارس .. ام فارس : اليت منور باصحابه أم نور : تفضلوا ام فارس : دام فضلج .. و دخلوا و قعدوا كلهم بالصالة .. الصـــــــــالة كانت وايد عودة .. جهة قعدوا فيها الرياييل و جهة النسوان .. أم فارس : وينها نور ما شفناها ؟ أم نور : الحين بتيي .. الا شتشربين ؟ أم فارس : عصير برتقال أم نور : ابشري .. و راحت أم نور تقول لنور تييب العصير داخـــــــل .. يوم دشت نور كانت مستحية لان اول مرة تشوفهم .. مثل ما قلت لكم الصالة عودة و النسوان كانوا قاعدين في بداية الصالة اما الرياييل في نهايتها .. فهي أول ما دشت راحت صوب النسوان و سلمت على أم فارس : السلام عليكم أم فارس : و عليكم السلام شلونج بنيتي ؟ نور : الحمدلله .. تفضلي خالتي العصير أم فارس : دام فضلج .. أم نور : بنيتي روحي ودي العصير الصوب الثاني نور كانت مستحية و مفتشلة بس ما حبت تكسر كلام أمها فودت العصير .. أول ما وصلت صوب الرياييل شافت الكل مشغول .. ابوها و بو فارس .. قاعدين يناقشون عن الأقتصاد في البلاد و ها السوالف و فارس من عيونه يبين انه ضايع بينهم .. نور : السلام عليكم الكل جابوها باهمال شديد : و عليكم السلام نور و هي قاعدة تقترب منهم عشان تعطيهم العصير .. كان فارس قاعد في بداية الاريكة .. فتقدمت عشان تعطيه العصير نور : تفضل فارس و هي قاعد يميز الصوت و هو ميود العصير في ايده : مشك ـ و و ر ـ ة .. انصدم فارسو قعد يقول بقلبه : نوووووووور هي مب غيرهـــــا و من الصدمة فتح بوزه و بالغلط كت العصير على الأرض نور استغربت منه و في الوقت نفسه ضحكت عليه بصوت ما ينسمع : ههههه بو نور : شصاير ؟ فارس : ها ولة شىء بالغلط انكت العصير بو نور : ولة يهمك نور روحي نادي الخدامة تيي تنظف الأرض نور : انشاءالله فارس : سامحني عمي ما كنت اقصد بو نور : مسموح يا ولدي مسموح .. و راحت نور نادت الخدامــــــة .. يوم راحت قعدت صوب أمها أم فارس : يا الاه الا الله مشاءالله قمــــــــــــــــر .. نور بحيا : مشكوووووورة خالتي .. مشكورة على المجاملة أم فارس : ما اجامل ها الحقيقة انتي مشاءالله احلى من القمر .. نور : عيونج الحلوة .. و بعد ساعة جهزت الخدامة العشـــــــا و راحوا كلهم يتعشون في الحديقة .. و فارس مستغرب وايد .. ما يدري هو في حلم ولة في علم .. نور حبيبته جدامـــــــــــــــه !! .. .. في فرنســــــــا : بعد ما جيكت أحلام حسابها في البنك شافت فيه مبلغ محترم يقدر يعيشها لفترة .. و اللي خفف عليها شوي التكاليف ان حسن دفع للفندق مقدم .. و لان رسوم الفندق مرتفعة فلازم تطلع .. و هي الحين قاعدة تيمع اغراضها بتروح تسكن في شقة في مكان ثاني .. أحلام و هي حاسة بلوعة و دوخــــة : مدري شفيني ..؟؟ كله ابي ارجع .. وووووع بسرعة راحت الحمام .. و قعدت تجهز أغراضها .. لان سايق الفندق تحت قاعد ينطرها عشان يوديها شقتها اليديدة .. يوم ركبت السيارة . قالت للسايق أول يوديها المستشفى لانها تعبانة .. فالسايق وداها لاقرب مستشفى و هناك حصلـــــــت دكتورة فاضية في قسم النساء .. دشت عليها .. أحلام و هي قاعدة تتحجى بالانقلنزي : ( بالترجمة ) : صباح الخير الدكتورة زين منها تعرف انقلنزي: ( بالترجمة ) : صباح النور أحلام : ( بالترجمة ) : دكتورة اعاني من حالات صداع مستمر و لوعة الدكتورة : ( بالترجمة ) : تعالي بفحصج .. و بعد الفحص تبين أن أحلام حامــــــــــــــــل في الأسابيع الأولى .. و الصدمــــــــــة صارت لها صدمتين .. اول شىء صدمة طلاقها و الحين حملها .. الله يستر .. أما عن حسن و خالد .. صاروا مدمنين من الدرجة الاولى على المخدرات و الخمر .. أعوذ بالله .. و في يوم و هم في حالة سكر .. حسن سأل خالد : خالد أنت ليش جرفتني معاك في طريج ها السم .. حياتي كانت سعيدة ؟ خالد : لان هاي اللي كان قاهرني .. ما احب اشوف احد سعيد و فرحان في حياته حسن : حرام عليك هدمتني .. و بدا اشوي شوي يصحى من سكره خالد : اووووو اشرب و انت ساكت .. أحلام بعد ما طلعت من المستشفى .. و الدموع عى عيونها .. فوصلها السايق للفندق .. فعطته فلوسه .. و دشت شقتها .. شافتها ما تسوى ربع الغرفة اللي كانوا قاعدين فيها في الفندق .. بس شكرت ربها على كل حال و يودت بطنها و هي خايفة .. شلون راح يكون مستقبل ها الطفـــــــــل !! الجزء السادس عشر :: مر شهر على سفر أحلام و حســــــــن .. و لحد الحين ما رجعــــوا .. في اليوم المحدد لرجوعهم من السفر .. الكل كان في المطار ينطرهم .. في المطار : أم نور : يا ربي أستر .. وينه اخوي ؟ صار لي ثلاثة اسابيع ما كلمته .. بو نور : هدي بالج أم نور : اكاهم أم يوسف و عايلتها قاعدين ييون أم يوسف : سلام عليكم الكل : و عليكم السلام بو يوسف : قوة شباب بو نور : اووووو روح ول اي شباب لازم تقول قوة عيايز بو يوسف : ههههه أم نور : احنا على اعصابنا و انتوا مستانسين بو يوسف : ليش ما وصلوا ؟ أم نور : لااااااااا أم يوسف : الله يستر .. شكثر مشتاقة لاحلام صار لي 3 اسابيع ما كلمتها أم نور : مثلـــــــــــــــــــي .. لا يكون صايدهم شىء أم يوسف : لا تقولين جذي .. انشاءالله هم بخير أم نور : أنشـــــــــــــاءالله .. نور : تأخروا نوف : زين ليش ما تروحون تجيكون اذا هم في الطيارة او لا .. لان كل اللي ياوا من فرنسا تقريبا طلعوا نور : زين خليني بقول لابوي نوف : لا خلج بقول ليوسف نور : اوك نوف و هي تنادي : يوسف يوسف : هلا نوف : تكفى روح شوف عند الاستعلامات و شوف اسم خالتي أحلام و زوجها موجود ولة لا يوسف : تامرين امر .. و مشى عنهم نوف : وااااااي يسوي روحه مطيع نور : ليش هو مب جذي ؟ نوف : اذا فيها مصلحة اي و اذا ما فيها لا نور : .... نوف : زين تكلمي نور : شتبيني أقول .. ؟ نوف : اي شىء نور و هي قاعدة تفكر : أقول لها عن سالفة فارس و نظراته ؟؟ .. أكيد بتروح تخبر أخواها و بجذي بسبب مشاكل بين فارس و يوسف نوف : وين سرحتي ؟ نور : ها وياج نوف : اي يبين نور : شتقصدين ؟ نوف : خلج الحين .. اكاه يوسف قاعد ييي يوسف و هو قاعد يطالع نور بطرف عينه : نوف الريال اللي في الاستعلامات يقول ان خالي حاجزين من زمان على ها الموعد بس ما ركبوا الطيارة نوف : شلووووون يعني ما ركبوا ؟؟ يوسف : مدري .. بروح أخبر الجماعة .. و راح لهم و خبرهم .. هني أم نور قعدت تدمع .. يا حسافة على أخوي شصاده .. اهىء اهىء اهىء .. ام يوسف و هي تهدئها خلينها ننطر جم اسبوع يمكن يردون و اذا ما ردوا و لا شالوا تلفوناتنا .. الله بستر ذيك الوقت .. و طلعوا كلهم من المطار و الحزن عام على ويوههم .. و أم نور و أم يوسف .. صارت وضيفتهم يقعدون جدا التلفون يا ينطرون اقل رنة حتى يشيلونها او يتصلون في الفندق .. الا ان أم يوسف كانت قاعدة عقب اسبوعين من سالفة المطار تتصل في الفندق فشالوا الرقم : الو الموضف و هي يتحجى انقلنزي : ( بالترجمة ) : هلا شلون أخدمج ؟ أم يوسف ابتلشت ما تعرف تتحجى انقلنزي : ( بالترجمة ) : لحظة لحظة بوي . و نادت بو يوسف عشــــــان يتكلم وية الريال بو يوسف : ( بالترجمة ) : هاي الموضف : ( بالترجمة ) : هلو شلون أخدمك ؟ بو يوسف : ( بالترجمة ) بغيت أسئل عن مقيم عندكم الموضف : ( بالترجمة ) : شسمه ؟ بو يوسف : ( بالترجمة ) : حسن صالح محمد الموضف و هو قاعد يجيك الاسم : ( بالترجمة ) : سوري تراهم طلعوا من عندنا قبل ثلاثة أسابيع بو يوسف : ( بالترجمة ) : زين ما تدري وين راحوا ؟ الموضف : ( بالترجمة ) : لا بو يوسف : ( بالترجمة ) اوك مشكور باي .. و صك التلفون و قعد عند أم يوسف .. أم يوسف : شقال ؟ بو يوسف : يقول أنهم طلعوا من الفندق من قبل ثلاثة أسابيع أم يوسف و هي تصيح : يا ويلي وينها اختي ؟ بو يوسف : تطمني حسن ريال ما بيهدها أم يوسف : اتمنى ( و قامت أتصلت في أم نور و قالت لها و ام نور الله يهديها سوت مهزلة في البيت صراخ و صياح .. ) ( و محد منهم يدري الضروف اللي قاعدين يمرون فيها حسن و أحلام ) .. فما كان منهم سوى التوجه حق السفارة الفرنسية في البحرين .. و رفع بلاغ على غيابهــــــــــم .. .. في يوم من الأيام في الفجر .. الهدوء عائم في شوارع فرنسا .. ما ينسمع سوى صوت الأغاني العالية من سيارة خالد .. كانوا حسن و خالد توهم طالعين من أحدى الأستراحات .. بدل ما يتوجهون للصلاة .. لان الحين وقت صلاة الفجر .. و كان في مجموعة من الشباب مارين صوبهم بس كان يطلع من ويوههم النور .. و كانوا الشباب بينهم متفقين أن يلاحقون حسن و خالد عشان يهدونهم لطريج الحق و الصواب .. و للعلم ها الشباب كانوا مسلمين .. ( ترى في فرنسا في شباب مسلمين و في مساجد بس أعدادها قليلة ) ..
|
|
|
|
|
09-06-26, 06:23 PM
|
#13 |
|
|
العضو :
صدى الاحزان
المنتدى :
قصص طويله روايات واقعية
الجزء السابع عشر :: في يوم من الأيام في الفجر .. الهدوء عائم في شوارع فرنسا .. ما ينسمع سوى صوت الأغاني العالية من سيارة خالد .. كانوا حسن و خالد توهم طالعين من أحدى الأستراحات .. بدل ما يتوجهون للصلاة .. لان الحين وقت صلاة الفجر .. و كان في مجموعة من الشباب مارين صوبهم بس كان يطلع من ويوههم النور .. و كانوا الشباب بينهم متفقين أن يلاحقون حسن و خالد عشان يهدونهم لطريج الحق و الصواب .. و للعلم ها الشباب كانوا مسلمين .. ( ترى في فرنسا في شباب مسلمين و في مساجد بس أعدادها قليلة ) .. لما صارت الاشارة حمرة .. و الشباب للحين يلاحقون حسن و خالد .. عصب خالد فنزل من سيارته و فتح باب اليمين من سيارة الشباب .. خالد بعصبية : يا الحمير شالتصرف .. ليش من مساعة تلحقونا .. ؟؟ الشاب الأول : يا الأخ حسن كلامك .. عيب ترى الله ما يرضى خالد باستهزاء : لا خوش خوش تعرف تتحجى عربي و تعرف الله الشاب الأول : للأسف انتوا العرب اللي الدين دينكم بعتوه عيل شنقول احنا الغرب .. أخوي احنا مسلمين .. كلنا اخوة .. خالد : اي أخوة وية ويهك ؟ الشاب الأول : ترانا لحد الحين احنا محتملين قلة أدبك في سبيل هدايتك .. و ترى الرسول ليه و سلم : قال لا فرق بين العربي و الأعجمي الا بالتقوى و العمل الصالح .. خالد انصدم يوم سمع أسم الرسول فغير لهجته : يبين عليكم شباب مأدبين و محترمين ؟ الشاب الثاني : نتمنى ها الشىء .. خالد : زين شتبون مني ؟ انا انسان ما صليت 3 سنين .. و كل حياتي لعب قبار و شرب الخمر الشاب الأول : أعوذ بالله .. ترى الله يقبل التوبة خالد و عيونه تدمع : بس ما اظنه بيقبل توبة واحد مثلي .. قمت بالكثير من المعاصي و أكثر معصية جرفت الانسان الطاهر البريىء و هو ياشر على حسن .. في شر و نهر جاري هو كان في غنى عنه .. في ها اللحظة حسن شاف خالد وايد تأخر و معنه كان بحالة سكر .. طلع من السيارة و راح لهم .. حسن : خالد شفيك تصيح ؟ تونا كنا نضحك في السيارة خالد : ........ الشاب الثالث : شرايكم أخواني ناخذكم معانا لصلاة الفجر هني حسن أنتفض و قعد يرتعش : ... خالد و هو قاعد على الشارع و الاشارة صارت خضرة بس الشوارع خالية .. : سامحني سامحني حسن دمرتك .. و دمرت زوجتك .. و و ما اقدر ما اقدر اتكلم احس اني بختنق .. الشاب الثالث : ادعوا التوبة و السماح من الله .. حسن و هو قاعد يتذكر : خسرت كل شىء .. زوجتي .. بيتي .. أهلي .. و اهم شىء ربي و قام يود خالد من رقبه : دمررررررررررررررررررررتنننننننننننني الله يلعنك الشاب الثاني و هو ييود يد حسن : انس الماضي امامك المستقبل و تقدر تصلح كل اغلاطك حسن : شلون زوجتي بتسامحني .. و شلون ربي بيسامحني شلوووووون .؟ و قعد يصيح قاموا الشباب الثلاث .. دخلوا حسن و خالد في السيارة .. حالتهم كانت تكسر الخاطر و تدمع العيون .. خالد و هو قاعد يحاول يقرا سورة الفاتحة بس مو قادر .. توقعوا حتى الفاتحـــــــــــة ما يعرفهـــــا .. قام الشاب الأول قال للشاب الثاني بأن يمشي سيارة خالد و ييبه عند بيته لانهم بيروحون بيته عشان يغتسلون حسن و خالد و يلبسونهم ثياب نظيفة عشان يروحون يصلون صلاة الصبح في المسجد .. ( و للعلم ترى الشباب لحد الحين ما يعرفون اسم خالد و حسن بس يبون يسون عمل خير قربة لله ) .. ( أسماء الشباب : الأول : محمد و الثاني : عيسى و الثالث : آدم .. ) يوم وصلوا بيت الشاب محمد : محمد و هو يقول لآدم : قوم ننزلهم من السيارة .. تراهم لحد الحين مب صاحييج و متأثرين .. آدم : توكل على الله .. اكاه عيسى ياه .. عشان يساعدنا و توكلوا كلهم على الله و حملوا حسن و خالد لداخل البيت و ودوهم الحمام و غسلوا ويههم عدل ليما حسوا انهم صاروا شوي اصحاء .. بعيدين علموهم طريقة الاغتسال .. و بعد ما اغتسلوا .. طلعوا لهم ملابس يديدة .. و لبسوهم اياها .. و بعد ما تجهزوا .. قام خالد و هو يرفع ايده للسماء : يا رب سامحني و راح صوب حسن و باس راسه : سامحني حسن خلطت بحقك وايد حسن و هو ما يعطيه ويه : روووح عني انت الدمار في حياتي .. سمع محمد الحوار اللي دار بينهم فراح لهم و يود جتف حسن .. حسن : انت انسان طاهر ليش قاعد تيود جتف انسان خسيس و مدمن و قعد يصيح و يطق راسه في الطوفة .. محمد : تعوذ من الابليس .. ما في فرق بيني وبينك ترى الانسان يغلط .. و لازم يكون قوي و شجاع و يعترف بغلطته و يحاول يصلحها بشتى الطرق .. و اما عن سالفة الادمان بنوديكم المستشفى عشان يعالجونكم خالد : المتشفـــــــــــــــى ؟ محمد : اي مافيها شىء .. بعدين بتردون تصيرون مثلنا و احسن حسن بحزن و ارهاق : يعني سمعتنا ما تخترب ؟ محمد : بالعكس هاي هو بداية طريقكم للهداية حسن : بس ما قلت لنا شلون نعدل اغلاطنا ؟ محمد : اول لازم اعرف اسمكم ؟ حسن : أنا حسن خالد : و انا خالد محمد : و النعم فيكم حسن و خالد أنا محمد .. الحين بقول لكم شلون لازم تصلحون اغلاطكم .. لازم اول شىء تردون للصلاة و قراءة القران و تدعون من ربكم المغفرة بشرط نيتكم تكون صافية .. خالد : تقصد يكون من القلب ؟ محمد : اي و من بعيد شافوا عيسى و آدم قاعدين ييون .. عيسى : الحمدلله الحين انتوا اشوا حسن : كله بفضلكم عيسى : هاي اللي الله كنا نبيه .. انا عيسى و انتوا شسمكم ؟ حسن : حسن خالد : خالد آدم : و النعم أنا آدم محمد : يا جماعة الخير .. امشوا نروح المسجد عشان نصلي صلاة الصبح لان تأخر الوقت خالد و هو خايف و ميود ايد محمد : متأكد ان الله بيسامحني ؟ محمد : اذا نيتك بتكون صافية و تبي تتوب توبة نهائية خالد : اي ابي اتوب توبة نهائية .. لان من طريقة كلامكم و تصرفاتكم يبين بان دين الاسلام هو الحق و اللي يجلب السعادة للانسان في الحياة محمد : فعلا .. خالد : للاسف كنت مسلم بس ما اعرف عن ايلامي شىء .. محمد : الله يهدينا جميعا .. و راحوا كلهم المسجد .. و ها الشباب كانوا النور في طريق هداية حسن و خالد .. من طريج الظلمة اللي كانوا ماشيين فيها لشهور .. بعد صلاة الصبح .. راح حسن و قعد صوب خالد .. حسن : خالد انا مسامحك خالد و ابتسامة خفيفة على ويهه : تعال بحضنك حسن : ......... خالد : ............. حسن : لازم احل كل الأغلاط اللي سويته و اول شىء من باجر أدور أحلام خالد : سامحني خالد سامحني .. بس على ما اضن باجر بنروح المستشفى عشان يعالجونا و يمكن تبقى اسبوع فيها حسن : انشاءالله يوم اللي بنطلع و احنا زينين بدورها .. خالد بدمعة على ويهه : اتمنى ها الشىء .. بقعد الحين اقرا القران .. من زمان ما قريت .. حسن : مدري شلون اشكر محمد و عيسى و آدم خالد : ولة أنا مادري شلون .. حسن : عن أذنك بروح للشيخ .. بسأله جم سؤال الجزء الثامن عشر :: حسن : عن أذنك بروح للشيخ .. بسأله جم سؤال .. و قام و راح عند الشيخ .. حسن و الدمعة على ويهه : السلام عليكم الشيخ : و عليكم السلام و رحمة الله و بركاته .. حسن : يا الشيخ بغيت اسألك انا غلطت وايد و اكثر شىء في حق نفسي و زوجي .. اقصد طليقتي الشيخ : يعني ضميرك يأنبك حسن : اي وايد يأنبني خاطري اذبح رووووووووووووحي الشيخ و هو يصارخ : أغوذ بالله أعوذ بالله .. أستغفر ربك يا ريال .. ترى مصير قاتل النفس النار حسن و هو يصيح : زين دلني على الصح تراني تعبت الشيخ : الصح هو بأن تتقرب من ربك .. حسن و هو يرفع ايده : يا ربي سامحني .. و مشكور يا الشيخ تعبتك معاي الشيخ : ما بين الأخوة تعب حسن : الله يعطيك ألف عافية الشيخ : الله يعافيك .. و بعدين قام من عنده و شاف كل الشباب وافقين برع المسجد ينطرونه .. آدم : تقبل الله حسن و الحزن مرسوم عليه : منا و منكم انشاءالله عيسى : يالله أمشوا نروح كلنا بييتي نرتاح لان باجر من الصبح ورانا مشوار حسن : قصدك نروح المشتشفى للعلاج عيسى : أي .. يالله أمشوا **************************** اليوم الثاني عيسى قام من وقت فراح يقوم الباقي يوم دش الغرفة اللي فيها أدم و محمد و حسن و خالد شاف .. حسن قاعد يدمع و ميود راسه و قاعد في طرف الغرفة .. و يوم تفقد خالد لقاه تحت السرير و هم بعد ميود راسه و يصيح بصمت قام بسرعة و قوم محمد و آدم .. و جهزوا السيارة عشان ياخذون خالد و حسن المستشفى لان حالتهم قاعدة تسوء و خصوصا لان هم ما خذوا ابرة المخدرات .. في المستشفى .. تفاهم عيسى من الطبيب عن حالة حسن و خالد .. الطبيب : لا حول و لا قوة الا بالله الشباب قاعدين يضيعون تحت تأثير ها السم الملعون عيسى : للاسف .. دكتور .. ترى حسن و خالد تابوا بس هم محتاجين للعلاج من ها السم و جلسات مع أطباء نفسانيين و شيوخ الدين عشان يردون من أول .. لانهم وايد تحطموا و خصوصا حســــــــــــن محتاج طبيب نفساني .. يحاول يرجع له الثقة بنفسه و يشجعه على البدا من يديد الطبيب : انشاءالله بنحاول نسوي اللي نقدر عليه .. الحين احنا خذيناهم و حطيناهم مع المدمنين اللي يبون يتعالجون .. و راح نقوم بتطهير جسمهم من ها السموم و ضبط قدرتهم على البعد من ها السم .. عيسى و هو قاعد يقوم من على الكرسي : مشكور الدكتور : ما سويت الا واجبي تجاه مرضاي .. عيسى : عيل متى نقدر نيي نزورهم الدكتور : على الأقل بعد 3 ايام عيسى : ثلاثة ايام !! وايد الدكتور : لازم علشان يهدوون لان في ها الفترة بتكون حالتهم النفسية مثل الميانين عيسى : على العموم تسلم .. مع السلامة الدكتور : في أمان الله و بعدين راحوا آدم و عيسى و محمد بيوتهم و كانوا فرحانين لانهم نقذوا روحين من طريق الخطا .. ****************************************** في شقة أحلام : أحلام : اااااااااااااااااااااااااااااااااه بموت تعبانة .. ما اقدر ااااااااااااااااااااااااااه الحين انا في بداية الشهر السابع و جذي .. الله يستر .. و أطلقت صرخة قوية و أغمى عليها في الشقة اللي مقابل بيتهم مرة كويتية الأصل تزوجت من واحد لبناني و عذبها فشردت من لبنان و يات فرنسا .. سمعت صوت صرخة أحلام فطلعت بسرعة للشقة اللي سمعت منها الصوت و قعدت تطق على الباب بس محد يفتح ! فدزت الباب فانفتح .. دشت داخل و شافت وحدة مغمي عليها .. فاسرعت و طلبت الأسعاف .. فياو الاسعاف و خذوا أحلام و معاها المرة الكويتية .. .. بعد ساعات فتحت أحلام عيونها بتعب .. المرة الكويتية : مبروك أختي أحلام صكت عيونها من يديد و هي ما تدري هي وين : .... المرة الكويتية قامت و قعدت عند أحلام على السرير : .... أحلام و هي تعبانة : وين أنا ؟ منو أنتي ؟ المرة الكويتية : انتي في المستشفى .. و انا رشا .. جارتج سمعت صوت صرختج فطلبت لج الاسعاف كنت طايحة على الأرض أحلام و هي دايخة : زين رشا انا ليش في المستشفى ؟ رشا : ليش ما تدرين ؟ أحلام : لا رشا : ولدتي أحلام و هي ميودة قلبها : بس كنت في بداية الشهر السابع ؟؟ رشا : اي و الولد في الحضانة أحلام : هو ولد ؟ رشا : اي حبيبتي .. اي أسم بتختارون انتي و ابوه عشان تسمونه ؟ أحلام : ابوووووووه رشا و هي مستغربه : اي ابوه وينه ؟ عشان يروح عند ادارة المستشفى يحدد اسم ولده أحلام : انا مطلقة و أعيش وحدي رشا : او آسفة ما كنت أقصد .. يعني حالج تقريبا مثلي أحلام : ليش أنتي مطلقة ؟ رشا : لا السالفة طويلة بقول لج يوم ثاني .. انتي الحين أرتاحي بس قبله شبتسمين الولد ؟ أحلام و هي قاعدة تفكر : مدري ؟ رشا : زين تبيني افكر لج ؟ أحلام هزت راسها : ... رشا : شرايج بأسم عبدالله أحلام : حلوووو .. مشكورة حبيبتي وايد تعبتج رشا : لا بالعكس انا اعيش بروحي و متمللة .. زين تعرفت عليج .. عن رخصتج بروح اقول لهم أسم الولد عشان يكتبونه عندهم و يسوون الاجراءات اللازمة أحلام : مشكورة رشا بابتسامة : العفو عيوني و طلعت من الغرفة ..
|
|
|
|
|
09-06-26, 06:24 PM
|
#14 |
|
|
العضو :
صدى الاحزان
المنتدى :
قصص طويله روايات واقعية
لجزء التاسع عشر :: في اليوم الثاني من الصبح يات رشا المستشفى .. رشا و هي تدخل غرفة أحلام : قوووووة أحلام بابتسامة رقيقة : الله يقوويج رشا : شخبارج اليوم ؟ أحلام : الحمدلله .. مدري بدونج شكنت بسوي رشا و هي تمسح على راسها : ما سويت الا الواجب حبيبتي .. بس ما قلتي لي أمس شنو أسمج ؟ أحلام : أحلام رشا : الله شالأسم الحلو يا أم عبدالله أحلام : هههههههه كبرتينا من الحين اللي بيسمع اسم أم عبدالله بيظن أني في الاربعين رشا : يعني شفيها أنا في بداية الثلاثين أحلام : أما انا في بداية العشرين رشا و هي تطالع أحلام برقة : طول عمري كنت أتمنى يكون عندي أخت .. و بعد تردد قالت شرايج أحلام نصير خوات ؟ أحلام : يشرفنـــــــــــا أختي رشا ضمـــــــــــــــت أحلام من السعادة .. أحلام : رشا رشا : نعم أحلام : امس خبرتي المستشفى عن أسم الولد ؟ رشا : اي خبرتهم .. بس بعدين كنت تعبانة فما رجعت عشان اقول لج .. اي تعالي أحلام : هلا رشا : قالوا بيطلعون له جواز فرنسي .. و يبون أسم أبوه أحلام بتوتر : زين ما قالوا لازم الابو ييي عشان يوقع ؟ رشا : لا ما قالوا تدرين فرنسا دولة حرة و ما عندهم ها الرسميات قالوا لي بأن أوصل لهم اسم الأبو عشان يطلعون له كل شىء من البطاقة السكانية الى الجواز بس فرنسي أحلام : هيه الحمدلله على كل حال يوم بنرد البحرين لازم اطلع له جواز بحريني رشا : انا ما صدقت على الله أشوفكم و الحين بتهدوني ؟ أحلام : لا حبيبتي لا تظنين جذي اصلا انا قلت اذا يعني اذا بيصير بعد سنين سمعوا صوت أحد يفتح الباب .. شافوا الممرضة قاعدة تيي ( بالترجمة ) : هلا أحلام ( بالترجمة ) : هلا فيج الممرضة ( بالترجمة ) : يبت لج ولدج عشان تشوفينه أحلام و هي قاعدة تاخذ عبدالله ( بالترجمة ) : شكرا و طلعت الممرضة من الغرفة .. أحلام : الله على وليدي مشاءالله يينن رشا : اكيد طالع على أمـــــــه أحلام : فديته و قعدت تلعب وياه كان حجمه صغير ولونه أصفر .. و بعد ساعة رجعت الممرضة عشان تاخذه و تخليه في الحضانة الممرضة ( بالترجمة ) : سيدتي الطبيب قال بان اليوم تقدرين تطلعين لان صحتج زينة أحلام و هي محتارة ( بالترجمة ) : زين وولدي ؟ الممرضة ( بالترجمة ) : تقدرين تزورينه كل يوم اذا تبين بيظل عندنا الى ان يكمل التسع شهور أحلام ( بالترجمة ) : الله يعطيج الف عافية و قامت هي و جهزت الأغراض اللي كانت موصية رشا تييبهم .. و راحوا العمارة اللي فيها شققهم .. لما وصلوا الطابق اللي هم فيه .. رشا : أحلام احلام : .... رشا : شرايج تيين و تسكنين وياي علطول عشان نوفر الفلوس .. انا اشتغل و انت عندج شوية ما بيكفيج .. و الحين عندج ياهل و مسؤؤلية .. ها شرايج ؟ مب احنا اتفقنا نصير خوات أحلام : اخـــــاف نصــ ــ ـ رشا : قصدج تصيرون عالة علي أحلام هزت راسها : ... رشا : لا حبيبتي انا وحيدة و محتاجة ناس حولي يونسوني و اونسهم و انا شفت فيج الطيبة أحلام : مدري رشا : لا تدرين يالله أمشي ننقل كل أغراضج الى شقتي .. و انت بعدها لازم ترتاحين أحلام : اخاف تندمين على قرارج رشا : لا ابد مستحيل أندم و نقلوا كل الاغراض .. و بالمقابل اتصلت رشا بصاحب العمارة و خبرته عن خروج أحلام من شقتها .. عشان لا ياخذ الاجر منها .. و بعدين كلهم راحوا ينامون من كثر التعب **************************************** اما عن البحرين : مرت فترة طويلة ولحد الحين السفارة ما ردت عليهم ولة أهتمت بالقضية .. فظلوا شبه يائسين من روؤية أحلام و حسن من يديد .. في الجامعة : يوسف : فارس فارس اوقف ابي اكلمك فارس ما يعطيه ويه : ... يوسف : تكفــــــــــــــــــى فارس فارس وقت في مكانه : ... يوسف : أشفيك الحين أكثر من 3 اشهر ما تكلمني كل ما اتصل فيك ما ترد و اذا رديت تكون بارد في حجيك فارس : ما فيني شىء يوسف : امبلة فيك فارس و هو يصارخ : هدني يا أخي ما ابي أتعرف عليك .. يوسف : و عهد الصداقة فارس : عندك أحمد روح له .. ما ابي اكلمكم تعبااااااااااااااااااااان ارحموني و مشـــــــــى .. يوسف حس بدوخة و تعب .. فما أن التفت شاف أحمد ميود ظهره و يقول : تغير مادري شفيه أنا بعد ما يكلمني وايد يوسف : آي أحمد ساعدني أحمد : شفيك ؟ يوسف : تعبان طرف بطني يعورني و أحس بدوخة بطيح و طاح على الارض .. فودوه مجموعة من ربعــــــه المستشفى الجزء العشرون :: بعد ما طاح يوسف ودوه المستشفى .. و هناك وصلوا أهل يوسف امه و ابوه و اخته بو يوسف : ها بشر دكتور ؟ الدكتور : مدري شا قول .. ! احنا سوينا له اشعة و طلع بأن ما عنده الا كلية وحدة و ها الكلية ما تشتغل ! بو يوسف : يوسف عنده بس كليـــــــــــة ؟ الدكتور : للاسف .. بو يوسف : يعني شنسوي ؟ الدكتور : لازم تدورون له واحد يتبرع له بكليته .. أم يوسف كانت واقفة عندهم فسمعت اللي قاله الدكتور أم يوسف و هي تصيح : ولدي توه بعز شبابه حرام اللي يصيده دكتور محد غيري بيتبرع له بالكلية بو يوسف : لا انا بتبرع له أم يوسف : حراااام عليك انا امه امـــــــــــــــــــــــه الدكتور : يا جماعة الخير كلهم روحوا و سوا لكم فحص يمكن كليتكم ما تطابق وية فصيلته أم يوسف : يا رب رحمتك و بعد فحص أم يوسف و بو يوسف طلع بان كليتهم ما تشابه يوسف .. فوافقت سارة بان تتبرع لاخوها .. بس هم بعد هي كليتها مختلفة عنه ! فقال لهم الدكتور لازم يدورون اي واحد من الاهل عشان يتبرع له أو يشترون له كليــة .. و باسرع وقت و يوسف مسكين في غيبوبة طويلة .. ********************************** في الجامعة : حمد : ها دريت فارس شصاد ربيعك ؟ فارس : مـــــــن ؟ حمد : من غيره يوسف فارس تعجب و قال بلا مبالاة : شفيه ؟ حمد : وي ما دريت اليوم الصبح طاح في الجامعة فنقلوه المستشفى فارس تذكر الصبح و كلامـــــــــه ليوسف .. بس ما أهتم بالسالفة .. و مشى عن حمــــــــــــد .. و دش الكافتيريا شاف أحمد قاعد على كرسي في الزاوية راح قعد عنده فارس : صج اللي سمعته أحمد : اي صج و تدري انك انت السبب فارس : انـــــــــــــــــــا ؟ أحمد : اي انت يوسف طاح بسبتك و مسكين الحين خسر كليته و محتاج شخص يتبرع له .. فارس و قلبه قاعد يرق : ما كنت اقصد .. أ---- أحمد : لا تكلم كافي اللي لقيناه منك .. انت ليش تسوي جذي ؟ فارس و هو يقول بقلبه : الدنيـــــــــــــا .. حب نور قاعد يزيد بقلبي يوم عن يوم .. حب مع الأيام .. و من حركات يوسف جنة يحبها .. ما اقدر و عيونه دمعت أحمد : فارس تصيح ؟ فارس : لا أحمد : انا مسامحك بس لازم تخلي يوسف يسامحك فارس و هو يقول بقلبه : انتوا ما تدرون فارس منافسي هيه ........ أحمد : ليش مب قاعد تتكلم .. اوووو خلني اروح المستشفى احسن و مشى عنــــــــــه و بقى فارس يفكر اللي يسويه صح أو خطا ! *************************************** في فرنسا : للعلم الحجي اللي يصير في فرنسا بالترجمة : مرت ثلاثة ايام .. و في اليوم الرابع أجتمعوا عيسى و محمد و آدم .. و راحوا المستشفى عشان يزورون خالد و حسن .. في المستشفى : الطبيب : حاولت أدور عنكم بس ارقامكم ما كانت مسجلة عندنا كلهم بصوت واحد: خيـــــــر ؟ الطبيب : حاولنا نعالج خالد بس السم كان منتشر في جسمه بكثرة و اكتشفنا بان فيه الايدز لاحول و لا قوة الا بالله محمد : الايدز ! .. الحين شلونه ؟ آدم : طمنا الطبيب : مـــــــــــــات عيسى : شنوووووو ؟ آدم : انا لله و انا اليه لراجعون الطبيب : مات في اليوم اللي يبتوه هني عيسى : يعني الحين ثلاثة ايام الطبيب : اي محمد : دفنتوه .؟ الطبيب : اي دفنوه .. و للعلم ترى هو تارك وصية .. راح يتم قراءتها بعد ما تتحسن حالة حسن آدم : اي دكتور شلون حسن الحين ؟ الطبيب : قاعد يتحسن بصورة ما اتوقعها آدم : يعني زين الطبيب : اي وايد .. عن أذنكم الحين .. تقدرون تروحون تشوفونه آدم : مشكور الطبيب : العفو راحوا قسم اللي يعالجون حالات الادمان .. و سألوا عن حسن بس لقوا عنده موعد وية طبيب نفساني .. فقرروا يردون له في يوم ثاني .. *************************************** في عيادة الطبيب النفساني : الطبيب النفساني : شلونك الحين حسن ؟ حسن : الحمدلله .. ها دكتور دورت عن زوجتي الطبيب : انا قلت لك بساعدك و سويت اللي في وسعي بس ما لقيتها يمكن ردت البحرين حسن : يا فشيلتي ! الطبيب : حسن مثل ما قلت لك من قبل لا تأنب ضميرك انا توي كنت قاعد امدحك عن ادراة المستشفى و اقول لهم بان حالتك تحسنت .. حسن : زين علمني شاسوي ؟ الطبيب : انت مستعد ترد البحرين و تواجه أهلك ؟ حسن : لا ابد الطبيب : تبي تعيش باقي عمرك في فرنسا حسن : اي احسن .. و خلى اكون بعدي عن احلام عشان لا اضايقها اكيد هي الحين تكرهني الطبيب : زين تزوج من وحدة ثانية .. عشان حالتك تصير زينة .. لان اذا بتعيش بروحك بتييك حالات الينون و يمكن ترد للسم حسن : لا الفكرة سخيفة الطبيب : بل العكس ها الحل حسن : ........ الطبيب : فكر في السالفة موعدي وياك عقب باجر .. ترى ابي الرد حسن : ترى مب اكيد اوافق الطبيب : انت فكر اول الجزء واحد و عشرون :: حسن و هو قاعد يفكر : الدكتور أستخف يبيني أتزوج .. لا هذي صعبة .. مستحيل .. لا ما في شىء اسمه مستحيل الا في قاموس الضعاف .. اي انا ضعيف .. احبهـــــــــا .. لا يا حسن انت اذا كنت تحبها و متمسك فيها جان ما طلقتها و جذبت عليها .. خالد كان السبب .. بس خالد توفى الله يرحمه .. و هو تغير بس هم بيظل سبب نحاستي .. كنت في البداية أكره الحياة بس الحمدلله الحين حالتي تحسنت .. و انا ما عندي الشجاعة عشان أرد البحرين و أواجه الأهل .. و اذا بقيت يمكن أرد لطبعي .. لا محتار .. يمكن ها الزوجــــة بتساعدني .. انا لازم احاول أنسى أحلام .. لاني دمرتها و مستحيل ترضى ترجع لي من يديد .. يا ربي .. برقد و مثل ما يقولون ان أصبح أفلح .. ******************************************** و في اليوم الثاني .. لما يا وقت موعده وية الطبيب .. هناك :: الطبيب النفساني : ها فكرت ؟ حسن : مدري الطبيب النفساني : يعني ادور لك وحدة زينة و بتقدر تساعدك حسن : انا مب واثق من ها الخطوة الطبيب : ثق فيني صدقني و ما بتندم حسن : و أحلام ؟ الطبيب : المفروض تحاول تنساها حسن : بس صعبة و الله صعبة الطبيب : حاول .. ترى في وحدة كويتية جارتنا تعيش وية بنتها بعد ما زوجها توفى .. و بنتهم وايد مأدبة و محترمة و فوق هاي هم مسلمات و متحجبات .. شرايك ؟ تبي تشوفها حسن : ما يهمني المهم تكون زينة و تساعدني في تقدم علاجي الطبيب : يعني ما يهمك شكلها و فصلها حسن : ارحمنا يا طبيب لااااااااااااااا الطبيب : خلاص هد انا كنت سائل البنية من قبل و وافقت معنها عرفت كل ضروفك فبكرة انشاءالله بنييب الملاج في المستشفى عشان تملجون حسن : مشكور على المساعدة الا شسمها ؟ الطبيب : خلود جاسم حسن : آهااااااااااا ******************************************
|
|
|
|
|
09-06-26, 06:24 PM
|
#15 |
|
|
العضو :
صدى الاحزان
المنتدى :
قصص طويله روايات واقعية
حسن و هو قاعد يفكر : الدكتور أستخف يبيني أتزوج .. لا هذي صعبة .. مستحيل .. لا ما في شىء اسمه مستحيل الا في قاموس الضعاف .. اي انا ضعيف .. احبهـــــــــا .. لا يا حسن انت اذا كنت تحبها و متمسك فيها جان ما طلقتها و جذبت عليها .. خالد كان السبب .. بس خالد توفى الله يرحمه .. و هو تغير بس هم بيظل سبب نحاستي .. كنت في البداية أكره الحياة بس الحمدلله الحين حالتي تحسنت .. و انا ما عندي الشجاعة عشان أرد البحرين و أواجه الأهل .. و اذا بقيت يمكن أرد لطبعي .. لا محتار .. يمكن ها الزوجــــة بتساعدني .. انا لازم احاول أنسى أحلام .. لاني دمرتها و مستحيل ترضى ترجع لي من يديد .. يا ربي .. برقد و مثل ما يقولون ان أصبح أفلح .. ******************************************** و في اليوم الثاني .. لما يا وقت موعده وية الطبيب .. هناك :: الطبيب النفساني : ها فكرت ؟ حسن : مدري الطبيب النفساني : يعني ادور لك وحدة زينة و بتقدر تساعدك حسن : انا مب واثق من ها الخطوة الطبيب : ثق فيني صدقني و ما بتندم حسن : و أحلام ؟ الطبيب : المفروض تحاول تنساها حسن : بس صعبة و الله صعبة الطبيب : حاول .. ترى في وحدة كويتية جارتنا تعيش وية بنتها بعد ما زوجها توفى .. و بنتهم وايد مأدبة و محترمة و فوق هاي هم مسلمات و متحجبات .. شرايك ؟ تبي تشوفها حسن : ما يهمني المهم تكون زينة و تساعدني في تقدم علاجي الطبيب : يعني ما يهمك شكلها و فصلها حسن : ارحمنا يا طبيب لااااااااااااااا الطبيب : خلاص هد انا كنت سائل البنية من قبل و وافقت معنها عرفت كل ضروفك فبكرة انشاءالله بنييب الملاج في المستشفى عشان تملجون حسن : مشكور على المساعدة الا شسمها ؟ الطبيب : خلود جاسم حسن : آهااااااااااا ****************************************** أما في البحرين في بيت بو يوسف حالتهم حالة الكل خايف و متوتر .. في المستشفى :: بو يوسف و هو قاعد يشدد اصابعه : دورنا وايد بس للاسف ما لقينا كلية تشابه كليتة عشان نشتريها أم يوسف : ولدي يا وليدي حرااااااااام و كانوا قاعدين عند يوسف في الغرفة و هو في حالة الغيبوبة .. نوف : يمة بطلع شوي برع بكلم نور لانها دقت علي مساعة و ما جاوبتها نوف : سلام عليكم نور : اشفيج نوفو نبرت صوتج ما تعجبني صاير شىء ؟ و تعالي ليش جم يوم غايبة من الجامعة يا الخايسة تهديني بروحي نوف و عيونها قاعدة تدمع : يوسف نور و قلبها قاعد ينتفض : أشفيـــــــــــــــه ؟ نوف : في غيبوبة و محتاج تبرع بالكلية و للاسف فصائلنا ما تشابه فصيلته و لحد الحين ما لقينه شخص كليته تشابه كليته نور و الدموع في عينها : ما يشوف شر .. نوف : حاولنا نقومه من الغيبوبة بس ما قدرنا .. و الدكاترة دخلونا شخص ورة شخص عشان نكلمه بس هم بعد ما قام نور : زين يمكن أحمد يقدر نوف : لا ما قدر .. لانه جرب و فشل مثلنا نور : ... نوف : انتي يمكن تقدرين تقومينه من غيبوبته .. اي انتي .. تكفين تعالي و جربي نور : أنا ! نوف : اي تكفين طلبتج لا ترديني نور : بس فشيلة نوف : لا مب فشيلة ناطرتج في المستشفى باي نور : بس .. نوف : اوووووص قلنا باي نور و هي تقول في قلبها : يا ربي شالبلشة .. بس حرااااااام يوسف ما يستاهل و انا مستعدة أسوي كل شىء علشانه .. و ما قدرت تقول لامها بروح المستشفى عشان يوسف لان مب حلو بحقها .. فقالت لها بروح الجامعة عندي شغل .. و يوم وصلت المستشفى راحت أشترت باقة ورد و راحت الجناح اللي كان مرقد فيه بغيبوبته .. و دقت باب الغرفة : سلام عليكم أم يوسف : يا هلا بنيتي حياج نور : مشكوة خالتي و ترى مسامحة على الازعاج أم يوسف : افا بنيتي تفضلي تشربين شاي ؟ نور : لا مشكورة .. نوف : و اخيرا ييتي نور : ما تأخرت نوف و هي تغمر لها : أكيد عشاني نور : واي أنتي نوف : يمة وين ابوي ؟ أم يوسف : راح عند الدكتور نوف : زين يمة أمشي نطلع انا و انتي برع عشان تحاول نور توقظ يوسف من غيبوبته أم يوسف : بس الأطباء يقولون الامل ضعيف احنا حاولنا و ما قدرنا نوف : يمة ما بنخسر شىء اذا نور جربت أم يوسف : ما دام جذي يالله بنطلع و طلعوا من الغرفة .. نور كانت خايفة بس بحذر يات و هززت يد يوسف و بصوت رقيق قالت : يوسف يوسف يوسف كان راسه يدور و كانت تتردد كلمة نور في باله .. اي يقدر يميز صوتها .. صوت حبيبته .. و بدأ يتحرك في مكانه نور خذت لها كرسي و قعدت يمه .. و هي قاعدة تسولف معاه و هي ظانه بانه ما يسمع .. يوسف حبيبي شفيك .. قوم من غيبوبك .. قوم ابي اشوفك تراني مشتاق لك .. رد للجامعة عشان تدرس من يديد .. أدري انت الحين ما عندك كلية و ما حصلوا لك على وحدة ثانية .. بس تدري انا ابي اتبرع لك اذا فصيلتي تشابهم .. احبك .. قوووووووم حرام عليك لا تعذبني .. أنت حبي .. و قعدت تدمع و بالغلط دمعتها سقعت على ويه يوسف يوسف بدأ يقول كلمات مب مفهومـــة و بصوت خفيف : نور وينج ؟ أحبج لا تهديني بروحي نور و هي مستحية و تحاول تساعده : انا وياك يوسف .. أصحــــى يوسف بدأ اشوي شوي يفتح عينه .. نور : حمدلله على السلامة يوسف : نووووووووووور .. انا وين ؟ نور : في المستشفى ارتاح .. انا بروح اخبر اهلك انك صحيت يوسف يود ايد نور : لا تهديني .. كوني وياج نور و هي تسحب ايدها : أوعدك باني ما راح اكون لغيرك يوسف ابتسم ابتسامة رضا و طلعت من الغرفة تنادي باقي أهل يوسف .. و يا الدكتور و شافه قايم من غيبوته و قاموا يصلون و يشكرون الله الجزء الثاني و العشرون :: فارس حس بتأنيب الضميـــــــــــــــر لان مسكين يوسف ما يدري عن شىء و هو محتار شلون يراضيني و لا طايحفي المستشفى بسبتي .. فلازم اشوي اشد على روحي و اروح له المستشفـــــــــــــى .. و قام أشترى ورد و راح المستشفى .. يوم كان يبي يدش الغرفة نور طلعـــــــــــــت .. فارس : شلونج نور ؟ نور باستغراب : بخير و مشــــــــت .. فارس حس بالغيرة .. ليش نور تيي المستشفى ولا غرفة يوسف اكيد بينهم علاقة حب .. لا انا بس لنور انا .. و حاول يخمد القهر اللي في داخله .. و طق لى الباب .. ياته حرمة كبيرة و قالت له نعم .. فارس : نعم الله عليج ييت ازور يوسف أم يوسف : تفضل يا ولدي فارس : مشكورة فطلعوا نوف و أم يوسف من الغرفة .. يوسف كان سرحان ما يدري باللي حوله .. يفكر .. ! فارس : قوة يوسف يوسف و هو يفر ويهه جهة الصوت : فارس فارس : حمدلله على السلامة .. ترى ما كنت أقصد باللي صار يوسف : ليش تسوي فيني جذي ؟ فارس شاح ويهه بعيد يوسف : قول لي و أنا بتقبل كل شىء فارس : أنت تحب نــــــــــور ؟ يوسف أستغرب من السؤال : تدري بما أنك صرت من اعز ربعي بخبرك فارس : ........ يوسف : اي فارس و هو شاق حلجه : تحبها .. و بسرعة طلع من الغرفــة يوسف أستغرب من حركته .. يعني فارس كل ها الوقت أبتعد عني بسبب حبه لنور .. هه يحب نور .. نور حبيبتي يحبها ليش الدنيا جذي ليش ؟ *********************************************** نور كانت رايحة تسوي فحص في المستشفى اذا فصيلة كليتها تشابه فصيلة يوسف و المفاجأة كانت اي متشابهيـــــــــــــن .. و نور كانت مستانسة حيل و ما فكرت في نتايج اجراءها للعمليـــة .. او شبيقولون الناس .. سيدة قالت للدكتور سووا العمليــــة بس عندي شرط الدكتور : خير ؟ نور : ما تبينون هويتي الدكتور : تامرين أمر و قالوا لاهل يوسف بوجود متبرع بكليته عشان يوسف .. و دخلوا يوسف و نور غرفة العمليات .. و بعد ساعة نجحـــــــــت العملية .. و الكل بدا يدعــــــى لفاعل الخير ( نور ) بالتوفيق مع أنهم ما يعرفون من هو او هي .. نوف : يمة مادري شفيها نور صار لي اكثر من 5 مرات اتصلت فيها بس ما ترد .. أم يوسف : يمكن راقدة نوف : كل شىء جايز .. و الدكتور طلب منهم بان يهدون يوسف بروحه في الغرفة .. عشان يرتاح .. و نور ودوها غرفة ثانية .. بس كان همها الوحيد ان تطلع بسرعة من المستشفى عشان اهلها لا يشكون بالسالفة .. و يوم شيكت موبايلها .. لقت اتصالات من نوف .. فاتصلت فيها نور بالم : هلا نوف : ما قلتي لنا مبروك نور و هي تحاول تبين بانها ما تعرف : ليش ؟ نوف : في شخص الله يوفقه تبرع ليوسف بكليته نور : لا صج مبروك نوف : الله يبارك فيج .. مدري نورو شلون اشكرج انتي السبب في تحسن حالة اخوي .. جنة صج يحبج و غارق في هواج نور استحج : ... نوف : جنة الناس استحوا نور : اقول انطمي احسن نوف : وينج الحين ؟ نور : هاااا نوف : اشفيج اقول لج وينج الحين ؟ نور : اي اي انا في الجامعة اي في الجامعة نوف : اشفيج نورو نور : ما فيني شىء يالله عن اذنج عندي أتصال ثاني و كانت المتصلة الثانية أمها أم نور : وينج يمة تاخرتي ؟ نور : لا تحاتيني يمة بيي أم نور : اشلون ما احاتيج و انتي وحيدتي و دلوعتي نور : شدعوة يمة كبرت أم نور : بس بتضلين صغيرة في عيني .. ناطرتج لا تتأخرين نور و هي حاسة بتأنيب ضمير لانها تجذب على أمها : انشاءالله و ضغطت على زر المساعدة .. فياتها النيرس .. نور : متى بطلع من المستشفى ؟ النيرس : انشاءالله بكرة نور : لا ابي اليوم النيرس : بس انتي تعبانة نور : ما يهمني سوي لي اجراءات الخروج النيرس : اوك على أمرج .. و يوسف كان طالع يدور فاعل الخير اللي كان شاك انها نور .. لما وصل للغرفة الاخيرة في جناح العمليات .. و لقى عليها اسم نور .. فدق الباب .. نور بسرعة لبست حجابها : تفضل يوسف و هو على الكرسي المتحرك لانه تعبان .. : دام فضلج نور : يووووووسف شيابك اهني يوسف : كنت متوقع انج فاعلة الخير بس انا مب راضي عليج نور بحزن : ليش ؟ يوسف : ليش تضحين بكليتج عشاني نور : لاني .. يوسف : لانج شنو تحبيني ؟ نور هزت راسها بحيا : .. يوسف : بس اهلج ما يدرون و يمكن يسوون لج سالفة نور : لا ما بخبرهم و عقب شوي بطلع من المستشفى يوسف : بتطلعين ؟ انتي تعبانة ؟ نور : معلة كل شىء يهون الا شوفتك و انت مريض يوسف : يا بعد عمري .. نور : ....... يوسف و هو يتذكر كلام فارس ضاق صدره : ... نور : شفيك .؟ يوسف : ها لا مافيني شىء بس تذكرت فارس نور :اي ها الفارس مدري شفيه .. يوسف : من اي ناحية ؟ نور : كل ما يشوفني يسلم و يسألني عن أحوالي مع اني ما اعرفه .. و لة ابي اعرفه بس ابوه شريك وية ابوي يوسف حس من كلام نور بان فارس يلاحقها و بين انه يحبها بس هو مستحيل يتنازل عن حبيبته مستحيل : .... و دشت النيرس و قالت لها جهزي أغراضج تقدرين تطلعين بس لازم ترتاحين .. و قبل لا يطلع يوسف نور : يوسف يوسف : عيونه نور : لا تخبر احد عن سالفة الكلية يوسف : مع اني مب راضي على اللي سويتيه بس عشانج ما بخبر احد نور : مشكور يوسف : انتي حبيتي المشكورة و طلــــــــــــــع .. و نور بعد مشت سيارتها على سعة و راحــــــت البيت .. و ركبت بسرعة دارها لانها كانت تعبانة و رقدت ..
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| انا مو قصه او روايه انا حقيقه | mhmh | قصص طويله روايات واقعية | 1 | 10-08-09 01:45 AM |
| روايه | جروح صامته | قصص طويله روايات واقعية | 6 | 09-09-24 08:53 AM |
| روايه حب جمييييييله | سحابه شوق | قصص طويله روايات واقعية | 0 | 09-08-14 11:15 PM |
| حفله سراب جلسه طق رووعه 2009 ويلاه واغاني رووعه | بحبك | اغاني عربية - تحميل اغاني عربيه - استماع الاغاني العربيه | 3 | 09-08-11 05:14 AM |
| ( لجل الوعد ) روايه رومنسيه . | اعشقك بجنون | قصص طويله روايات واقعية | 1 | 08-08-07 07:09 PM |
العرض العادي
