سندرلا الحساويه

[احساس ريم]

سندرلا الحساويه

ساندرلا صارت شغالة عند مرت أبوها وبنتينها القرود ساندرلا كانت جميلة لدرجة إن الطيور تجز من

الدريشة (يغازلون) مرة ومدري شلون قدرت سندرلا تكلم الطيور ويسولفون ليل نهار

وفي ذاك الوقت قرر الأمير صلوح يتزوج فقال لأبوه مرزوق : يبه

الملك مرزوق:وحطبه خير شتبي

الأمير صلوح:أبي أتزوج

الملك:والله

الأمير: إيييه

الملك:منو تبي من بنات عمك رقية ولا أم كلثوم ولا سعدية

الأمير: ولا وحدة

الملك:وشو أجل أنا مو فاضيلك خلصنا

الأمير: أنا بسوي حفلة

الملك:هنيه؟

الأمير:لا بالنخل أجل وين أكيد هنيه بدعو كل الربع والناس يوم الربوع

الملك:زيين تبي شي ثاني

الأمير:سلامتك

الملك:ضف وجهك ما تشوفني مشغووووول

الأمير طيب لا تعصب^ يا وزير طلحة طلحة:آمر أمير صالح الأمير:إدعو كل الناس اللي بالحارة

والمدينة ولا تنسى الربع أبي كل بنية تجي أي بنية فاهم؟ لأني بختار زوجتي فيها

الوزير طلحة:تم تم الأمير يلا الحفلة يوم الربوع خلهم يجون كل بنية يلا إنقلع

وبعدين الوزير طلحة نشر الدعوة

وطبعا وصلت مرت أبو سندرلا ونقزت من الفرحة وقالت لبنتيها القباح: يلا الأمير بيتزوج من الحفلة

اللي بسويها وطبعا بيتزوج أحدكم

والطيور قالت لسندرلا: سندرلا حبيبتنا

سندرلا:قصرو صوتكم يالعنوز شتبون

الطيور الأمير صلوح بسوي حفلة يختار منها زوجته

سندرلا:أبي أروح أبي أتزوج من صلوح بس شلون أروح وثوبي مشقق وحالته حاله

الشجرة: أنا عندي فسيتين يطير العقول

سندرلا: بكم يعلك الحت في أوراقك

الشجرة: 1200 ريال

سندرلا: شكلي بقص هالشجرة اليوم

الشجرة: أنا أمزح خذيه مجان

سندرلا:أهووووه

خذته سندرلاو لبسته وكذا شافت يم الشجرة مصباح خذته

وقامت تحك فيه إلما شوي ويموت وقالت يأنا يإنت

قال المارد:خلاص بتموتيني بعطيك 3 إمنيات شتبين أمري وخلصي

سندرلا أبي نعال و فرشاة أسنان أسناني خياس هالأيام وعطني عربة توديني القصر

المارد :شبيك لبيك خذي كل شي

سندرلا:أحسب بعد

بس طالعو شصار بنات مرت أبوها القرووووووود قالو لها ماكو روحة قالت سندرلا ليه مو كيفكم قالو القرووووووود عندك شغل قالت سندرلا خلصته قالوووو شوفي الفول وذا الأغراض أبس طاح بالغلط على الكنب روحي نظفيه خليه جديد يلا بلا جدال

راحت سندرلا للمارد تحك المصباح حك شوي ويفطس قال لها خيييييييييييييييييير
قالت إمنية بعد لا بحكك طول النهار
قال شتبين
قالت هاك الدلو نظف الكنب
المارد تحلمين
سندرلا ترا ماني فاكة من حك المصباح
قال طيب بس بشرط كل الأمنيات بتختفي بنصل الليل طيب
قالت طيب بس النعال خله يوم ثاني بعد تبيني أمشي حافي يا ولد الناس
قال زييييين ووجع
قالت توجع بطنك
وراحت سندرلا الحفلة
وفي الحفلة لقت الأمير صويلح
شافها وقال:آآه تجنن برقص مع ذي الحلو بدلا من ذيلا القروووووود الثنتين اللي لاصقين فيني طول الحفلة
ورقص معاها
إلا جا نص الليل
وتذكرت إن العربة بتربوح ومفعول الفرشاة بعد يعني الأسنان بتفوح ريحتها
وراحت تركض وتكرفعت في الدرج
وراحت ونعالها نسته
والأمير صويلح يصورخ ما قلتي لي إسمك ووجعععع
بس شاف النعلة قال لأبوه الملك مرزوق و الوزير طلحة اللي مقاسة ذي النعلة بتكون زوجتي وراح الوزير من بيت إلى مزرعة إلى نخل مالقى المقاس
باقي بيت واحد
راحله لقا إثنين قروووووووود قدام الباب وأمهم وراهم
قالت الأم يلا جب النعلة خلنا نشوف المقاس
والبنت الأولى حشى مقاسها =مقاس الفيل والثانية بعد
وجا الأمير صويلح قال في وحدة ثانية بالبيت؟ قالو لا بس الشغالة
قال ونهي
قالو في الحمام
راحو الحمام
ما لقوها
قال بصراخ وينهي لأتوطى بطنك
قالت عند الطيور برا
راحو لقوها لبسوها النعلة طلعت مقاسها وتزوجو وجابو عيال هم ممدوح وقحيطة ومجخوط وعاشو جميعا سعداء



لا تقصرون بالردود

المصدر: منتديات ارجوان

---

sk]vgh hgpsh,di

 

[احساس ريم]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اتمنى تنال اعجابكم

 

[رٌجَيتُـً§ـُكٌ°لاتخلُـٌينٌـَ§ـًي]

ههههههههههههههه
والله روعه
القصه
تسلمين خيتووووو
ماقصرتي

 

[دموع تبتسم]

ماشاء الله تبارك الرحمن

خوووووووش حساويه

بس اسماء عيالهم شي

هع هع هع

يعطيك العافيه خيتووووو

تحيااااااااااتي لك

 

[عبدالله]

هههههههههههههههههههه
الهجه محليه القصه

روعه منك اخي يسلمووووووو
الله يتمم عليهم بسعاده