الكل يعرف الاعلاميه نشوى الرويني

[تحدوهـ البشر]

الكل يعرف الاعلاميه نشوى الرويني

السلام عليكم ورحمة الله وبركاته



اقبلوها كما هيه ..

فلان وصـل يـا رفيقـي سلامـي=لاجيت نشوى قلها الوضع حسـاس
بنت الروينـي والروينـي قطامـي=صيته علا مع ساير النـاس لنـاس
اصبح من اصحاب العلا والمقامـي=من عقب ما كان يتّديـن ومحتـاس
حاز النصر لو هو بالامس انهزامي=ودنياه جاته دون لا يقيسها قيـاس
دنيا وصار الوضع فيهـا ازدحامـي=متنٍ على متـنٍ وراسٍ علـى راس
ومابينهم قامـت حـروب الكلامـي=ودباس وده يغتنـم حـظ دربـاس
الوضع حامي والفشـق فالحزامـي=وساس عز البيت يرجـع للاسـاس
المحكمه فالعـرف ضـد الحرامـي=لكن يقال الحـق مبعـد ومنـداس
وفعل الاوامر هو أسـاس النظامـي=والشر جرم .. ومن يسانده خنـاس
وصار البري مجرم وفيـه اتهامـي=والمجرم امبرى ويمشـي بحـراس
والحر عقب الجو وروس العدامـي=واسمه عقب ما كان يرهب وقرناس
عود لهُ مـا بيـن بـوم وحمامـي=ما عاد لا يشهر ولا عنده احسـاس
وشلون ظامي يسعف اليوم ظامـي=ما عاش رجل وداخله خيّم اليـاس
اللي يبي العليـا ولمـس الغمامـي=من دون حلمه حال مفسد وبـلاس
العيش وسـط قصـور ولا خيامـي=متساويه فعيون حـرّاب الا نجـاس
ومن مبدأ الكوره وفوز وخصامـي=ومباريات تقـام والجايـزه كـاس
عشنا كذا وارماح بيـن الروامـي=وافضل رمح ما بيننا رمح جسـاس
الصمت حكمه بس يحسب حرامـي=لا كان صمتك خوف ولا ضّعف باس
وان كنت تنشد يارفيقـي علامـي=بقول لك ذقنا مرق طبخـة الفـاس
وبيني وبينك.. مـا علينـا ملامـي=لا صار حنا الدرع فالحرب والطاس
لكن وصـل يـا رفيقـي سلامـي=لا جيت نشوى قلها الوضع حساس

بقلمي

المصدر: منتديات ارجوان

---

hg;g duvt hghughldi ka,n hgv,dkd