لعنبو بي القصايد

[تحدوهـ البشر]

لعنبو بي القصايد

لعنبو بـي القصايـد .. لعنبوهـا بيـت بيـت
ولعنبو بـي القوافـي .. والحـروف الأبجديـه
كم كتبت من القصيد .. وكم على عمري بكيـت
كم حزنت ,, وكم فرحت .. وكم دخلت النرجسيه
بالهوى أكتب قصيده .. وسطها قلبـي حويـت
حبرها دمي وتنزف .. مـن شرايينـي شذيـه
في ثواني كيف مدري .. ينهدم كل ( ال ) بنيت
ينتهي عهـدن حسبتـه .. أول أيامـي النديـه
وإن حزنت أكتب وأكتب .. كل ضيقن به شكيت
ما تزايد غير جرحن .. والنهايه هـي ّ َ هـي ّ َ
كم كتبت من المديح .. ورغم هذا مـا اعتليـت
وكم هجيت بهالقصايـد .. كـل آفـات البريـه
كم نظمت وكم نثرت .. وكم فقدت وكـم رثيـت
لا الشعر رجع لي غالي .. يوم وافتـه المنيـه
الشعر وش هو يفيدك .. ان كتبت وما ارتقيـت
ومن قرا شعرك وصفق .. وش مكانه بالقضيه ؟
( المعري ) شخص أعمى .. حرر بلاده ب/ بيت
واحنا بعيونن سليمـه .. مـا تفادينـا شظيـه
كم كتبنا لاجل الأقصى .. قمت عدلـت ومحيـت
ورغم كل أبيات شعري .. ما قدرت آخذ هويـه
ولاجل بغداد القصيده .. حبرهـا دمـي سقيـت
ما استفادت م/ القصايد .. غير أنـواع الأذيـه
البحر رغم إتساعه .. لو شربته مـا ارتويـت
ولو ( تفلت ) بوسط جوفه .. ما تزيده أي شيّـا
تشبه البحر القصايد .. لا عطيته ,, ولا خذيـت
ويشبه ( التفلات ) شاعر .. ما غدا بالشعر حيّا
رحمة الله عـ( المعري ) .. عايشن فينا وميْت
ورحمة الله لكل شاعر .. عيشته صارت خطيـه



احبها 99

المصدر: منتديات ارجوان

---

gukf, fd hgrwhd]